Last updated on November 5th, 2023 at 09:36 am
ಕಂಬುಲೊಡು ಎರುಕುಲೆನ್ ಕರೆಕ್ ಜಪ್ಪಾನಗ ಶಿಸ್ತ್ ಪಾಲನೆ ಮಲ್ಪರೆ ಈ ಸಲೊರ್ದು ಸೈರನ್ ಪಾಡ್ದ್ ಎಚ್ಚರ್ಗೆ ಕೊರ್ಪಿನ ಕ್ರಮ ಉಪ್ಪುಂಡು ಪನ್ದ್ ಜಿಲ್ಲಾ ಕಂಬುಲ ಸಮಿತಿದ ಅಧ್ಯಕ್ಷೆ ಡಾ॥ದೇವಿಪ್ರಸಾದ್ ಶೆಟ್ಟಿ ಬೆಳಪು ಪನ್ತೆರ್.
ಜಿಲ್ಲಾ ಕಂಬುಲ ಸಮಿತಿದಕುಲು ಬೆದ್ರಡ್ ಮಲೇದಿನ ತೀರ್ಪುಗಾರೆರೆ ಸಬೆಟ್ ಈ ಪಾತೆರ ಆರ್ ಪನ್ಡೆರ್. ಸರಕಾರದ ಮಾರ್ಗಸೂಚಿದಲೆಕ್ಕ ಕಂಬುಲೊನು 24 ಗಂಟೆದ ಉಲಯಿ ಮುಗಿಪರೆ ಬೋಡಾಪಿನ ನಿರ್ದೇಶನೊಲೆನ್ ಮಲ್ತೊಂದ. ಸೈರನ್ ಪಾಡಿಬೊಕ್ಕಲಾ ಎರುಕುಲೆನ್ ಜಪ್ಪಾಯಿಜಿಡ ದುಂಬುದ ಎರುಕುಲೆಗ್ ಅವಕಾಶ ಕೊರ್ಪುಂಡು. ತೀರ್ಪುಗಾರೆರ್ ಒವ್ವೇ ಒತ್ತಡ ಪೋಡಿಗೆ ದಾಂತೆ ಬೇಲೆ ಮಲ್ಪುನ ವ್ಯವಸ್ಥೆ ಮಲ್ಪುಂಡು ಪನ್ದ್ ಪನ್ಡೆರ್.