Last updated on November 4th, 2023 at 07:29 pm
ರಾಷ್ಟ್ರೀಯ ಪೆರ್ಸಾದಿಡೇ ಗಾಡಿಲೆನ್ ಉಂತಾವುನ ಅಬ್ಬೇಸ ಉಪ್ಪುನ ಪಡ್ಡೆದ್ರ ಪೇಂಟೆಡ್ ಟ್ಯಾಂಕರ್ ದ ಅಡಿಕ್ ಬೂರ್ದು ಜವನೆ ಒರಿ ತೀರಿನ ನಡಕೆ ನಡದ್ಂಡ್.
ಪಡ್ಡೆದ್ರ ಕಂಚಿನಡ್ಕದ ರಮೇಶ್ ಪೂಜಾರಿ ಪನ್ಪಿನರೆನ ಮಗೆ 19 ವರ್ಸದ ಪ್ರಜ್ವಲ್ ಪೂಜಾರಿ ತೀರಿನಾಯೆ. ಮೇರ್ ಎಲ್ಲೂರುದ ಐಟಿಐಡ್ ಕಲ್ತೊಂದಿತ್ತೆರ್. ಮೊಕಲೆನ ಸಂಬಂದೊಡು ಒಂಜಿ ಜನ ತೀರಿನೆರ್ದಾವರ ಉಂಬೆನ ಇಲ್ಲದಕುಲು ಕಿನ್ನಿಗೋಳಿದ ಅಂಗರಗುಡ್ಡೆಗ್ ಪೋದಿತ್ತೆರ್, ಪ್ರಜ್ವಲ್ ಲಾ ಅಡೆಗ್ ಪಿದಡ್ದ್ ಪಡ್ಡೆದ್ರ ಪೇಂಟೆದಲ್ಪ ಬನ್ನಗ ಪೆರ್ಯಾದಿಡ್ ಉಂತಾದಿತ್ತಿನ ಖಾಸಗಿ ಟೂರಿಸ್ಟ್ ಬಸ್ ಗ್ ಎಡ್ತ್ ರೋಡುದ ನಡುಕು ಬೂರಿಯೆರ್. ಮೆರೆನ ಮಂಡೆದ ಮಿತ್ತೇ ಟ್ಯಾಂಕರ್ ಪೋದು ಜಾಗೆಡೇ ಮೇರ್ ತೀರಿಯೆರ್. ಒಂಜಿ ದಿನತ ದುಂಬು ಆತೇ ಮೆರೆನ ಪುಟ್ಟು ಪರ್ಬ ಇತ್ತ್ಂಡ್. ಪಡ್ಡೆದ್ರದ ಸಂಚಾರದ ಅವ್ಯವಸ್ಥೆದ ಬಗೆಟ್ ಜನಕುಲು ಪಿಸಿರಾತೆರ್.