Last updated on December 16th, 2023 at 02:12 pm
ಪರತೊಂದು ಪೋವೊಂದಿತ್ತಿನ ವಿಕಲಚೇತನ ವ್ಯಕ್ತಿ ಒರಿಯನ ಮಿತ್ತೇ ಕಾರ್ ಪೋಯಿನ ನೆವನೊಟು ಗಾತಿದ ಪೆಟ್ಟಾದ್ ಆಸ್ಪತ್ರೆಡ್ ಇತ್ತಿನಾರ್ ಮರ್ದ್ ಪಲಿಪಂದೆ ತೀರಿನ ನಡಕೆ ಕಡಬ ಮೈನ್ ರೋಡುಡು ಶುಕ್ರಾರ ರಾತ್ರೆ ನಡದ್ಂಡ್.
ತೂರಿನ ಜನ ಕಡಬದ ಅಂಗಡಿ ಇಲ್ವದ ಧರ್ನಪ್ಪೆರ್ ಪನ್ದ್ ತೆರಿದ್ ಬೈದ್ಂಡ್. ಮೇರ್ ವಿಕಲಚೇತನೆರ್, ಮೇರ್ ಶುಕ್ರಾರ ಬಯ್ಯಗ್ ರೋಡು ಕಡಪುನಗ ಕುಡ್ಲರ್ದ್ ಸುಬ್ರಹ್ಮಣ್ಯಗ್ ಪೋವೊಂದಿತ್ತಿನ ಕಾರ್ ಎಡ್ದ್ಂಡ್. ಎಡ್ದಿನ ಬರಸ್‌ಗ್ ಮಂಡೆಗ್ ಬೊಕ್ಕ ಕಾರ್‌ಗ್ ಪೆಟ್ಟಾತ್ಂಡ್. ಅಪಗನೇ ಆಸ್ಪತ್ರೆಗ್ ಕೊನೊಂಡಲಾ ಮರ್ದ್ ಪಲಿಪಂದೆ ತೀರಿಯೆರ್ ಪನ್ದ್ ತೆರಿದ್ ಬೈದ್ಂಡ್. ಕಾರ್‌ದ ಡ್ರೈವರ್‌ನ ಮಿತ್ತ್ ಕಡಬ ಸ್ಟೇಷನ್‌ಡ್ ಪ್ರಕರಣ ದಾಖಲಾತ್ಂಡ್.