Last updated on December 9th, 2023 at 10:41 am
ಹೋನರ್ಸ್ ಆದ್‌ ಬೇಲೆ ಮಲ್ತೊಂದಿತ್ತಿನ ಇಲ್ಲದ ಗಾಡಿದ ಡ್ಯಾಶ್‌ಬೋರ್ಡಡ್ ದೀತಿನ ಪನವುನು ಕಂಡ್‌ದ್ ಪದ್ರಾಡಾತಿನ ಜನ ಒರಿಯನ್ ಒಡಿಪು ನಗರ ಠಾಣಾ ಪೋಲಿಸೆರ್ ಅರೆಸ್ಟ್ ಮಲ್ದೆರ್.
ಅರೆಸ್ಟ್ ಆಯಿನಾಯನ್ ಹುನಗುಂದ ತಾಲೂಕುದ ಪ್ರವೀಣ್‌ ಕುಮಾರ್‌ ಜಾಲಪ್ಪ ಹರದೊಳ್ಳೀ (34), ಪನ್ದ್ ಗುರ್ತ ಪತ್‌ತ್‌ದೆರ್.
ಒಡಿಪುದ ಪುತ್ತೂರು ಗ್ರಾಮದ ಸಂತೋಷ್, ಮಾತಾ ಸೆಲ್ಯೂಷನ್‌ ಹೋಮ್‌ ನರ್ಸ್‌ ಸಂಸ್ಥೆರ್ದ್ ಪ್ರವೀಣ್‌ ಕುಮಾರ್‌ ಜಾಲಪ್ಪ ಹರದೊಳ್ಳ ಪನ್ಪಿನಾಯನ್ ಹೋಂ ನರ್ಸ್‌ ಬೇಲೆಗ್ ದೀವೊಂದಿತ್ತೆರ್. ಪ್ರವೀಣೆ ಡಿಸೆಂಬರ್ 04 ಬಯ್ಯ 06:30 ರ್ದ್ ಆ ಇಲ್ಲರ್ದ್ ಪತ್ತೆ ಉಪ್ಪಂದೆ, ಇಲ್ಲಗ್ ಪಿರ ಬರಂದಿನ ತೂದು ಪ್ರವೀಣ್‌ನ ಬಗೆಟ್ ವಿಚಾರಣೆ ಮಲ್ಪುನಗ ಆಯೆ ತನ್ನ ಸಂಸ್ಥೆಗ್ಲಾ ಪೋವಂದಿನ ತೂನಗ ಅನುಮಾನ ಬತ್ತಿತ್ತ್ಂಡ್. ಆತೇ ಅತ್ತಂದೆ ಇಲ್ಲಡ್ ಅಂಚೆನೆ ಬೊಲೆರೋ ಗಾಡಿದ ಡ್ಯಾಶ್‌ ಬೋರ್ಡ್‌ಡ್ ದೀದಿತ್ತಿನ 3,45,000/- ರೂ. ಪನವು ಕಂಡ್‌ದ್ ಪೋದಿತ್ತ್ಂಡ್. ಈ ಬಗೆಟ್ ಸಂತೋಷ್ ಮೇರ್‌ ಕೊರ್ತಿನ ದೂರುದಲೆಕ್ಕ ಒಡಿಪು ನಗರ ಠಾಣೆಡ್ ಪ್ರಕರಣ ದಾಖಲಾತ್ಂಡ್.
ಅಪಗನೇ ಕಾರ್ಯಾಚರಣೆಗ್ ಜತ್ತಿನ ಪೊಲೀಸೆರ್ ಪ್ರವೀಣ್‌ ಕುಮಾರ್‌ ಜಾಲಪ್ಪನ್ ಬಾಗಲಕೋಟೆಡ್ ವಶೊಗು ದೆತೊನ್ದು ಕಂಡಿನ 3,13,500 ರೂ. ಸ್ವಾದೀನ ಮಲ್ದೆರ್.