Last updated on December 28th, 2023 at 06:33 pm
ಸುಳ್ಯ: ಜಾಲ್ಸೂರ್‌ಡ್ ಸಾದಿ ಕಡತೊಂದಿತ್ತಿನಾರೆಗ್ ಒರ್ಯಗ್ ಬೈಕ್ ಎಡ್ತ್‌ದ್, ಗಾತಿದ ಪೆಟ್ಟಾದ್ ಆಸ್ಪತ್ರೆಗ್ ಲೆತೊಂದು ಪೋನಗ ತೀರ್ದಿನ ಜಾಲ್ಸೂರ್‌ಡ್ ನಡತ್‌ದ್ಂಡ್.
ತೀರ್ದಿನಾರ್ ದೇಲಂಪಾಡಿ ಗ್ರಾಮೊದ ಬೊಳ್ಳಿಪ್ಪಾಡಿ ದೇವರಗುಂಡ ಪುರುಷೋತ್ತಮ ಗೌಡೆರ್ (72) ಪಂದ್ ತೆರಿದ್ ಬೈದ್ಂಡ್
ಪುರುಷೋತ್ತಮೆರ್ ಜಾಲ್ಸೂರ್‌ದ ಅರಣ್ಯ ತಪಾಸಣಾ ಚೆಕ್‌ ಪೋಸ್ಟ್‌ದಲ್ಪ ಮೈನ್ ರೋಡ್ ಕಡತೊಂದುಪ್ಪುನಗ ಈ ನಡಕೆ ನಡತ್‌ದ್, ಪುತ್ತೂರ್‌ದಂಚಿರ್ದ್ ಬತ್ತಿನ ಬೈಕ್ ಆರೆಗ್ ಎಡ್ತ್‌ದ್ಂಡ್. ಈ ಪೊರ್ತುಡು ತರೆಕ್ ಗಾತಿದ ಪೆಟ್ಟಾತಿನಾರೆನ್ ಅಲ್ಪದಕುಲು ಅಪಗನೇ ರಿಕ್ಷಾಡ್ ಸುಳ್ಯ ಆಸ್ಪತ್ರೆಗ್ ಲೆತೊಂದು ಪೋದು ಪ್ರಥಮ ಚಿಕಿತ್ಸೆ ಮನ್ಪಾದೆರ್. ಬೊಕ್ಕ ಬೈದ್ಯೆರೆ ಪಾತೆರದಂಚ ಕುಡ್ರದ ಆಸ್ಪತ್ರೆಗ್ ಲೆತೊಂದು ಪೋವೊಂದುಪ್ಪುನಗ ಅರ್ಧಸಾದಿಡೇ ತೀರ್ದೆರ್.