Last updated on December 22nd, 2023 at 09:52 am
ಮುಲ್ಕಿ ಸೀಮೆದ ಒರುಂಬ ಮಾಗಣೆದ ಅರಸು ಕಂಬುಲ ಐತಿಹಾಸಿಕವಾದ್ ತುಳುನಾಡ್‌ದ ಶ್ರೇಷ್ಟ ಕಂಬುಲ ಪನ್ಪಿನ ಪುಗಾರ್ತೆ ಪಡೆಯೊಂದುಂಡು. ಈ ಕಂಬುಲೊಗು ಸುಮಾರ್ 500 ವರ್ಸದ ಇತಿಹಾಸ ಉಂಡು.
ಸಿಮಂತೂರು ಮೂಲದ ಸಾವಂತರಸೆರ್ ಪಡುಪನಂಬೂರುಡು ಅರಂತಡೆ ಕಟ್ಟಾಯಿ ಬೊಕ್ಕ ಮುಲ್ಪ ಕಂಬುಲ ಸುರು ಆಂಡ್. ಈ ಪೊರ್ತುಡು ತುಳುನಾಡ ಬೀರೆ ಅಗೋಳಿ ಮಂಜಣ್ಣನ್ಲಾ ನೆನೆತೊನೊಡು. ಒಂಜಿ ಕಾಲೊಡು ಮುಲ್ಪ ಕಂಬುಲ ನಡಪುನಗ ಒಂಜಿ ತಿಂಗೊಲು ಸಂತೆ ನಡತೊಂದಿತ್ತ್ಂಡ್‌ಗೆ.
ಕಂಬುಲದಾನಿ ಜೈನ ಅರಸು ಸಾವಂತೆರ್ ದಿನ ಇಡೀ ಪಾಸೊಡು ಉಪ್ಪುವೆರ್, ಅರೆಗ್ ಕಂಬುಲದ ಕಂಡೊಗು ಜಪ್ಪರೆ ಇಜ್ಜಿ ಮಾತ್ರ ಅತ್ತಂದೆ ಆರ್ ಕಂಬುಲ ತೂಪಿನಲಾ ನಿಷಿದ್ದ ಉಂಡು ಇಂಚಿನ ಮಾತಾ ಕಟ್ಟ್ ಪಾಡುಲು ನೆಟೆ ನಡಪುಂಡು. ಉಂದೇ ಬರ್ಪಿ ಡಿಸೆಂಬರ್ 24ಕ್ಕ್ ಮುಲ್ಕಿ ಸೀಮೆದ ಅರಸು ಕಂಬುಲ ಗರ್ದಿಡ್ ನಡಪರೆ ಉಂಡು.