Last updated on December 14th, 2023 at 07:45 pm
ಪಚ್ಚ ಪಗೆಲೇ ಅಂಗಡಿ ಒಂಜೆಟ್ಟ್ ಪೊಂಜೊಲುನ ಕಂಟೆಲ್‌ಗ್ ಕೈ ಪಾಡ್ದ್ ಗುರ್ತ ದಾಂತಿನ ರಡ್ಡ್ ಜನಕುಲು ಬಂಗಾರ್‌ದ ಚೈನ್ ಒಯ್ತ್ ಪದ್ರಾಡಾತಿನ ನಡಕೆ ಬಂಟ್ವಾಳ ನಗರ ಪೋಲೀಸ್ ಸ್ಟೇಷನ್ ವ್ಯಾಪ್ತಿದ ಅಜ್ಜಿಬೊಟ್ಟು ಪನ್ಪಿನಲ್ಪ ನಡದ್ಂಡ್.
ಬಿಸಿರೋಡುದ ಅಜ್ಜಿಬೊಟ್ಟು ಶಾಲೆದ ಕಲತಲ್ಪ ಮಹಾಲಕ್ಷ್ಮಿ ಸ್ಟೋರ್‌ದ ಧನಿ ಸರೋಜಿನಿ ಮೆರೆನ ಕಂಟೆಲ್‌ರ್ದ್ ರಡ್ಡ್ ಕಲ್ವೆರ್ ಬಂಗಾರ್‌ದ ಚೈನ್ ರಟ್ಟಾದ್ ಬಲ್ದೆರ್. ಸುಮಾರ್ 75 ಸಾರ ಮೌಲ್ಯದ 1.5 ಪವನ್ ಬಂಗಾರ್‌ದ ಚೈನ್ ಕಂಡ್‌ದ್ ಪೋಂಡು.
ಬಿಸಿರೋಡುಡು ಅಪಗಪಗ ಇಂಚಿನ ಕಂಡುನ ನಡಕೆಲು ನಡಪುನವು ಇತ್ತೆ ಸಾರ್ವಜನಿಕೆರೆನ ಪಿಸಿರ್‌ಗ್ ನೆವನ ಆತ್ಂಡ್. ಕಲ್ವೆರೆನ್ ಪತ್ತರೆ ಬಿಸಿರೋಡು ಪೋಲೀಸೆರ್ ಕಜ್ಜ ಸುರು ಮಲ್ದೆರ್.