ಫೆಬ್ರವರಿಡ್ ಉರ್ವ ಮಾರಿಯಮ್ಮ ದೇವಲ್ಯೊಡು ಬ್ರಹ್ಮಕಲಶ

Last updated on December 1st, 2023 at 03:41 pm

ಉರ್ವ ಮಾರಿಯಮ್ಮ ದೇಲಂತಡೆಟ್ ಈ ಸಲ ವರ್ಸದ ಮಹಾಪೂಜೆರ್ದ್ ದುಂಬು ಫೆಬ್ರವರಿ 11ರ್ದ್ 15 ಮುಟ್ಟ ಬ್ರಹ್ಮಕಲಶೋತ್ಸವ ನಡಪರೆ ಉಂಡು ಪನ್ದ್ ಪ್ರಧಾನ ಸಂಚಾಲಕೆರಾಯಿನ ಗೌತಮ್ ಸಾಲ್ಯಾನ್ ಕೋಡಿಕಲ್ ತೆರಿಪಾದೆರ್.

ಫೆಬ್ರವರಿ 11ಕ್ಕ್ ಬ್ರಹ್ಮಕಲಶೋತ್ಸವದ ವಿಧಿ ಸುರುವಾದ್ 13ಕ್ಕ್ ಪುನರ್ ಪ್ರತಿಷ್ಟೆ, 15ಕ್ಕ್ ಬ್ರಹ್ಮಕಲಶೋತ್ಸವ, 16ಕ್ಕ್ ವರ್ಸಾದಿದ ಮಹಾಪೂಜೆದ ಪುರ್ಸಾದ ಪಾರಾವುನು, 23ತ್ತಾನಿ ಚಂಡಿಕಾಯಾಗ, 26 ಬೊಕ್ಕ 27ಕ್ಕ್ ವರ್ಸಾದಿದ ಪೂಜೆ ಅಂಚೆನೆ ಮಾರ್ಚ್ 2ಕ್ಕ್ ಮಲರಾಯ ನೇಮ ನಡಪರೆ ಉಂಡು.

ದೇವೆರೆ ಗುಂಡ ಸಮ ಮಲ್ಪುನೊಟ್ಟುಗು ಸುತ್ತದ ಪೌಳಿನ್ ಪೊಸತ್ತ್ ಮಲ್ಪರೆ ನಿರ್ದಾರ ಮಲ್ದೆರ್. ದೇಲಂತಡೆತ ಎದುರು ಸುಮಾರ್ 8 ಕೋಟಿದ ಪೊಸ ಬೃಹತ್ ಸಭಾಂಗಣ ಶ್ರೀ ಮಾರಿಯಮ್ಮ ಸಮುದಾಯ ಭವನದ ಬೇಲೆಲು ಕೊಡಿ ಎತ್ತೊಂದು ಬೈದ, ಜನವರಿಟ್ ಉಂದೆತ ಉದಿಪನ ಆಪುಂಡು.