Last updated on December 10th, 2023 at 08:56 pm
ನನ ನೂದು ವರ್ಸೊರ್ದು ಬೊಕ್ಕ ನಮ ಏರ್ಲಾ ಉಪ್ಪುಜ. ನಮ ಬಂಗೊಡು ಕಟ್ಟಿನ ಇಲ್ಲಡ್ ಏರೋ ಉಪ್ಪುವೆರ್, ನಮ ಮಲ್ಲ ಮಲ್ಲ ಲೋನುಲೆನ್ ದೆತ್ತ್ ಇಎಂಐ ಕಟ್ಟ್ ದ್ ಮಲ್ತಿನ ಆಸ್ತಿ ಏರೆನನಾ ಪುದರ್ ಡ್ ಉಪ್ಪುಂಡು. ನಮ್ಮ ಪಟ ಓಲಾ ಒಂಜಿ ಕೋಂಟುಡು ಉಪ್ಪು. ನಮ್ಮ ನೆಂಪು ಮಾಜಿದ್ ಪೋವು. ನನ ನೂದು ವರ್ಸೊರ್ದು ಬೊಕ್ಕ ನಮಕ್ ಅಸ್ತಿತ್ವನೇ ಉಪ್ಪುಜಿ. ಇಂಚ ಉಪ್ಪುನಗ ನಮ ಇತ್ತೆ ಎಂಚ ಬದುಕೊಡು?
ಬದ್ಕ್ ಪನ್ಪಿನವು ಒಂತೆ ದಿನೊತ, ನಮ ಮೂಲು ಬೈದಿನ ಬಿನ್ನೆರ್, ಉಂದು ನಮಕ್ ಶಾಶ್ವತ ಅತ್ತ್ ಪನ್ದ್ ನಮಕ್ ತೆರಿಂಡ ಬೊಕ್ಕ ನಮ್ಮ ಉಡಲ್ ಅಡ್ಡ ತಾದಿ ಪತ್ತಂದ್. ನಮಕ್ ಜೀವನೊಡು ಒವ್ ಮುಖ್ಯನಾ ಅವೆನ್ ಮಾತ್ರ ಮಂಡೆಗ್ ಕೊನೊಡು. ನಮಕ್ ಬೊಡ್ಚಾಂದಿನೆರ್ದ್ ಆಯಿನಾತ್ ದೂರ ಉಪ್ಪೊಡು. ನಮಕ್ ಒವೆತ ಮಿತ್ತ್ ನಿಯಂತ್ರಣ ಇಜ್ಜಾ ಅವೆತ ಬಗೆಟ್ ಎನ್ನ್ ದ್ ದಾದ ಪೆರಜನ? ಉಪ್ಪುನ ನಾಲ್ ದಿನ ಎಡ್ಡೆಡ್ ಬದುಕೊಡು.
ಈ ಭೂಮಿ ಪರಪುನ ತುದೆತ ಲೆಕ್ಕ, ಅಪಗಪಗ ಉಂದೆಟ್ ಪೊಸ ನೀರ್ ಬರ್ಪುಂಡು. ಅಂಚೆನೆ ನಮ, ನೂದು ವರ್ಸ ಕರಿನೇ ನಮ್ಮ ಪುದರ್ ತೆರಿನಕುಲೇ ಉಪ್ಪಯೆರ್. ನೂದು ವರ್ಸ ಕರಿಂಡ ನಮ ಮಲ್ತಿನ ಒವುಲಾ ನಮ್ಮ ಅತ್ತ್. ಉಂದೆನ್ ತೆರಿದ್ ನಮ ಬದುಕೊಡು.