Last updated on January 10th, 2024 at 07:31 pm
ಪುಂಜಾಲಕಟ್ಟೆ: ಸರಕಾರಿ ಬಸ್ ಸ್ಕೂಟರ್‌ಗ್ ಎಡ್ತಿನೆರ್ದಾವರ ಸ್ಕೂಟರ್ ಬುಡೊಂದಿತ್ತಿನ ವಿದ್ಯಾರ್ಥಿನಿಯೊರ್ತಿಗ್ ಗಾತಿದ ಗಡಿಕುಲಾತಿನ ನಡಕೆ ಇನಿ, ಬುಧವಾರ ಕಾಂಡೆ ವಗ್ಗ ರಾಷ್ಟ್ರೀಯ ಪೆರ್ಸಾದಿಡ್ ನಡತ್‌ದ್ಂಡ್.
ಅಲ್ಲಿಪಾದೆ ಪೆರಿಯಾರ್‌ದೋಟ ನಿವಾಸಿ ಗೋಪಾಲ ಸಪಲ್ಯ ಮೆರೆನ ಮಗಲ್, ವಾಮದಪದವು ಕಾಲೇಜು ವಿದ್ಯಾರ್ಥಿನಿ ಪಲ್ಲವಿಗ್ ಪೆಟ್ಟಾದಿತ್ತ್‌ದ್, ಕುಡ್ಲ ಫಾದರ್ ಮುಲ್ಲರ್ ಆಸ್ಪತ್ರೆಡ್ ಮರ್ದ್ ಗೆತೊನೊಂದುಲ್ಲೆರ್.
ಕುಡುಮದಂಚಿರ್ದ್ ಕುಡ್ಲಗ್ ಪೋವೊಂದಿತ್ತಿನ ಸರಕಾರಿ ಬಸ್ ಕುಡೊಂಜಿ ಬಸ್‌ನ್ ಓವರ್ ಟೇಕ್ ಮನ್ಪುನ ಬರಸ್‌ಡ್ ಬಲತ ಮೆಯಿಟ್ ಬತ್ತ್‌ದ್ ಸ್ಕೂಟರ್‌ಗ್ ಎಡ್ತ್‌ದ್ಂಡ್.
ವಿದ್ಯಾರ್ಥಿನಿನ ಅಮ್ಮೆರ್ ಗೋಪಾಲ ಸಪಲ್ಯ ಮೇರ್ ಶಬರಿಮಲೆ ಯಾತ್ರೆಗ್ ಪೋತೆರ್ ಪಂದ್ ತೆರಿದ್‌ಬೈದ್ಂಡ್.