Last updated on January 14th, 2024 at 07:14 pm
ಬೊಲ್ತೇರ್: ಗುರುವಾಯನಕೆರೆ ಅರೆಮಲೆಬೊಟ್ಟು ದ್ವಾರೊದಲ್ಪ ಸಾದಿ ಬರಿಟ್ ಉಂತುದಿತ್ತಿನ ಕಾರ್‌ಗ್ ಅಂಚೆನೇ ಒಂಜಿ ಪೊಂಜೊವುಗು ಕಾರ್ ಎಡ್ತಿನ ನಡಕೆ ಜ. 13ತ ಕಾಂಡೆ ನಡತ್‌ದ್ಂಡ್.
ಅರೆಮಲೆಬೊಟ್ಟು ದ್ವಾರೊದ ಎದುರುದ ನಿವಾಸಿ, ತಾ.ಪಂ. ಮಾಜಿ ಸದಸ್ಯೆ ಗೋಪಿನಾಥ ನಾಯಕ್‌ ಮೆರೆನ ಬೊಡೆಡಿ ಅಂಜಲಿ ನಾಯಕ್‌‌ರೆಪ ಕಾರ್‌ಗ್ ಗಾತಿದ ಪೆಟ್ಟಾದ್, ಕುಡ್ಲದ ಖಾಸಗಿ ಆಸ್ಪತ್ರೆಗ್ ಸೇರಾದೆರ್.
ಗೋಪಿನಾಥ ನಾಯಕ್‌ ಮೇರೆಗ್ ಗುರುವಾಯನಕೆರೆಟ್ ಅಂಗಡಿ ಇತ್ತ್‌ದ್, ಆರೆನ ಬೊಡೆದಿ ಕಾಂಡೆ ಅಂಗಡಿಗ್ ಪೋಯೆರ ಸಾದಿ ಬರಿಟ್ ಉಂತುದಿಪ್ಪುನಗ ಬರಸ್‌ಡ್ ಬತ್ತಿನ ಕಾರ್ ಆರೆಗ್ ಎಡ್ತ್‌ದ್, ಬೊಕ್ಕ ಅಲ್ಪನೇ ಉಂತುದಿತ್ತಿನ ಮಾರುತಿ ಓಮ್ನಿಗ್ ಎಡ್ತ್‌ದ್ಂಡ್.
ಅಪಗನೇ ಆರೆನ್ ಮರ್ದ್‌ಗ್ ಗುರುವಾಯನಕೆರೆಕ್ ಲೆತೊಂದು ಪೋದು ಎಚ್ಚಿನ ಮರ್ದ್‌ಗ್ ಕುಡ್ಲದ ಆಸ್ಪತ್ರೆಗ್ ಸೇರಾದೆರ್.