Last updated on January 16th, 2024 at 07:51 am
ಕುಡ್ಲ: ಜನವರಿ 21 ಕ್ ಕಾಂಗ್ರೆಸ್ ಕುಡ್ಲಡ್ ಅಟ್ಟನೆ ಮಲ್ದಿತ್ತಿನ ರಾಜ್ಯ ಮಟ್ಟೊದ ಕಾರ್ಯಕರ್ತೆರೆನ ಸಮಾವೇಶೊನು ಒರನ್ನೆ ದುಂಬು ಪಾಡ್ದ್ಂಡ್.
ಲೋಕಸಭೆ ಚುನಾವಣೆನ್ ದಿಟ್ಟಿಡ್ ದೀವೊಂದು ಕುಡ್ಲಡ್ ಈ ಸರ್ತಿದ ಸುರೂತ ಸಮಾವೇಶೊದ ಅಟ್ಟನೆ ಆದಿತ್ತ್ಂಡ್. ಈ ನಡುಟು ಕೆಪಿಸಿಸಿ ಅಧ್ಯಕ್ಷೆ ಡಿಕೆ ಶಿವಕುಮಾರ್ ರಾಜ್ಯ ಮಟ್ಟೊದ ಕಾರ್ಯಕರ್ತೆರೆ ಸಮಾವೇಶೊನು ದುಂಬು ಪಾಡ್ದೆರ್. ಸಮಾವೇಶ ನಡಪುನ ನನದ ತೇದಿನ್ ಬೇಗೊಡೇ ತೆರಿಪಾವ ಪಂದ್ ಡಿಕೆ ಶಿವಕುಮಾರ್ ಪ್ರಕಟಣೆಡ್ ತೆರಿಪಾದೆರ್.
ಡಿಕೆ ಶಿವಕುಮಾರ್ ಕೋಡೆ(ಜನವರಿ 15) ರಾತ್ರೆ ಬೆಂಗ್ಳೂರ್‌ಡ್ ಎಐಸಿಸಿ ಅಧ್ಯಕ್ಷೆ ಮಲ್ಲಿಕಾರ್ಜುನ ಖರ್ಗೆರೆನ್ ಭೇಟಿ ಮಲ್ತ್‌ದ್ ಮಹತ್ವೊದ ಪಾತೆರಕತೆ ಮಲ್ತೆರ್. ಬೊಕ್ಕ ಡಿಕೆ ಶಿವಕುಮಾರ್ ಕುಡ್ಲಡ್ ಜನವರಿ 21ಕ್ ಗೊತ್ತು ಮಲ್ದಿನ ರಾಜ್ಯ ಮಟ್ಟೊದ ಕಾಂಗ್ರೆಸ್ ಕಾರ್ಯಕರ್ತೆರೆನ ಸಮಾವೇಶೊನು ದುಕಬು ಪಾಡ್ದ್ ಪ್ರಕಟಣೆ ಬುಡುಗಡೆ ಮಲ್ತೆರ್.