Last updated on January 29th, 2024 at 09:54 am
ಬೊಲ್ತೇರ್: ಗೋಳಿಯಂಗಡಿ ಮುಟ್ಟೊದ ಕಡ್ತ್ಯಾರ್‌ದ ಪಟಾಕಿ ಗೋಡೌನ್‌ಡ್ ಸ್ಫೋಟ ಆದ್ ಮೂಜಿ ಜನ ಕಾರ್ಮಿಕೆರ್ ತೀರ್ದ್ ಪಾಕ ಜನಕ್ ಗಡಿಕುಲಾತಿನ ನಡಕೆ ನಡತ್‌ದ್ಂಡ್.
ಕೇರಳದ ಸ್ವಾಮಿ(55) , ಕೇರಳದ ವರ್ಗಿಸ್ (68), ಹಾಸನದ ಅರಸೀಕೆರೆ ನಿವಾಸಿ ಚೇತನ್(25) ತೀರ್ದಿತ್ತ್‌ದ್, ದಿನೇಶ ಹಾಸನ, ಕಿರಣ ಹಾಸನ, ಕುಮಾರ ಅರಸೀಕೆರೆ, ಕಲ್ಲೇಶ ಚಿಕ್ಕಮಾರಹಳ್ಳಿ, ಪ್ರೇಮ್ ಕೇರಳ, ಕೇಶವೆ ಮೊಕ್ಲೆಗ್ ಗಡಿಕುಲಾತ.
ಕುಚ್ಚೋಡಿ ನಿವಾಸಿ ಬಶೀರ್ ಪನ್ಪಿನಾರೆನ ಜಾಗೆಡ್ ಪಟಾಕಿ ಮಲ್ತೊಂದಿತ್ತ್‌ದ್, ಮುಲ್ಪ ಒಟ್ಟು 9 ಜನ ಕೂಲಿ ಕಾರ್ಮಿಕೆರ್ ಸ್ಫೋಟಕ ತಯಾರ್ ಮಲ್ತೊಂದಿತ್ತೆರ್ ಪಂದ್ ತೆರಿದ್‌ಬೈದ್ಂಡ್.
ತೀರ್ದಿನ ಮೂವೆರ್ಲಾ ಪಟಾಕಿ ತಯಾರಿಕಾ ಘಟಕೊಡು ಸ್ಫೋಟಕ ತಯಾರ್ ಮಲ್ತೊಂದಿತ್ತೆರ್. ಉಂದೆಟ್ ಒರ್ಯನ ಪುನ ತಿಕ್ಕ್‌ದಿತ್ತ್‌ದ್, ಕುಡ ಇರ್ವೆರೆನ ಪುನ ಸ್ಫೋಟದ ಸುತ್ತ ನೂರು ಮೀಟರ್ ವ್ಯಾಪ್ತಿಡ್ ಚಿಪ್ಪ್‌ಡ್ ಚೂರ್ ಆದ್ ಬೂರ್ದ್ಂಡ್.
ಜಾಗೆಗ್ ಅಪಗನೇ ಬೊಲ್ತೇರ್ ಅಗ್ನಿಶಾಮಕ ಸಿಬ್ಬಂದಿಲು ಬತ್ತ್‌ದ್ ಸೂ ತೆಕ್ಕದ್ ಅರೆ ಜೂವೊಡಿತ್ತಿನಾರೆನ್ ಆಸ್ಪತ್ರೆಗ್ ಲೆತೊಂದು ಪೋದು, ಆಸ್ಪತ್ರೆಡ್ ತೀರ್ದೆರ್.