Last updated on January 22nd, 2024 at 05:12 pm
ಬೊಲ್ತೇರ್: ಇಲ್ಲಡಿತ್ತಿನ ಬಾಲೆ ಗೊಬ್ಬೊಂದು ಪೋದು ತೋಟೊಡಿತ್ತಿನ ಕೆದುತಡೆ ಪೋದು ಆಕಸ್ಮಿಕವಾದ್ ಕಾರ್ ಜಾರ್‌ದ್ ಕೆದುಕುಬೂರ್ದ್ ತೀರ್ದಿನ ನಡಕೆ ಬೊಲ್ತೇರ್‌ಡ್ ನಡತ್‌ದ್ಂಡ್.
ಬೊಲ್ತೇರ್ ತಾಲೂಕ್‌ದ ನಡ ಗ್ರಾಮೊದ ಕನ್ನಾಜೆ ನಿವಾಸಿ ರೋಷನ್ ಡಿಸೋಜಾ ಬೊಕ್ಕ ಉಷಾ ಡಿಸೋಜಾ ದಂಪತಿಲೆನ ಒರಿಯೇ ಮಗೆ ರೇಯನ್ ಡಿಸೋಜಾ(1ವರ್ಷ 11 ತಿಂಗೊಳು) ಜ.22 ತಾನಿ ಇಲ್ಲದ ತೋಟೊಡುಪ್ಟುನ ಕೆದುಕು ಬೂರ್ದ್ ಜೂವ ಕಲೆವೊಂದೆ.
ಅಪಗನೇ ಇಲ್ಲದಕುಲು ಅಂಚೆನೇ ಮುಟ್ಟದಕುಲೆನ ಸಹಕಾರೊಡು ಲಾಯಿಲ ಖಾಸಗಿ ಆಸ್ಪತ್ರೆಗ್ ಸೇರ್ಪಾದ್, ಎಚ್ಚಿನ ಮರ್ದ್‌ಗ್ ಬೊಲ್ತೇರ್ ತಾಲೂಕು ಆಸ್ಪತ್ರೆಗ್ ಸೇರಾಂಡಲಾ ಬಾಲೆ ತೀರ್ದ್ಂಡ್.
ಈ ಬಗೆಟ್ ಬೊಲ್ತೇರ್ ಪೊಲೀಸ್ ಸ್ಟೇಷನ್‌ಗ್ ಬಾಲೆದಮ್ಮೆ ರೋಷನ್ ಒಯಿಲ್ ಕೊರ್ದಿತ್ತ್‌ದ್, ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.