ತುಳುನು ಕರ್ನಾಟಕದ ಅಧಿಕೃತ ಭಾಷೆ ಮಲ್ಪೊಡು ಪನ್ದ್ ಓಲೆ ಅಭಿಯಾನ

Last updated on January 26th, 2024 at 05:51 pm

ತುಳು ಭಾಷೆನ್ ಸಂವಿಧಾನದ ಆರ್ಟಿಕಲ್ 345ತ್ತ ಪ್ರಕಾರ ತುಳುನಾಡ್ ಡ್ ಅಧಿಕೃತ ಆಡಳಿತ ಭಾಷೆ ಮಲ್ಪೊಡು ಪನ್ದ್ ಕೇಂದ್ರ ಬೊಕ್ಕ ರಾಜ್ಯ ಸರಕಾರೊನು ಆಗ್ರಹಿಸಾದ್ ಜನವರಿ 29ರ್ದು ಫೆಬ್ರವರಿ 2 ಮುಟ್ಟ ಅಭಿಯಾನ ಮಲ್ಪರೆ ಉಲ್ಲ ಪನ್ದ್ ಮಾಜಿ ಶಾಸಕೆ ಮೊಯಿದ್ದೀನ್ ಬಾವಾ ತೆರಿಪಾಯೆರ್. ಸುದ್ದಿಘೋಷ್ಟಿಡ್ ಪಾತೆರಿನ ಮೇರ್ ತುಳುನು ರಾಜ್ಯದ ರಡ್ಡನೇ ಅಧಿಕೃತ ಭಾಷೆ ಮಲ್ಪೊಡು ಪನ್ದ್ ಆಗ್ರಹ ಮಲ್ತ್ ಪ್ರಧಾನಿ ಮೋದಿ ಅಂಚೆನೊ ಮುಖ್ಯಮಂತ್ರಿ ಸಿದ್ದರಾಮಯ್ಯೆರೆಗ್ ರಿಜಿಸ್ಟರ್ ಪೋಸ್ಟ್ ಡ್ 10 ಸಾರದಾತ್ ಮನವಿ ಓಲೆಲು ಪೋವರೆ ಉಲ್ಲ ಪನ್ದ್ ತೆರಿಪಾಯೆರ್.

ಈ ಅಭಿಯಾನೊಗು ತುಳುನಾಡ್ ದ ಮಾತಾ ಸಂಘ ಸಂಸ್ಥೆಲು, ರಾಜಕೀಯ ವ್ಯಕ್ತಿಲು, ಕಾರ್ಯಕರ್ತೆರ್, ರಂಗಭೂಮಿ, ಪಿಚ್ಚರ್ದಕುಲು, ಮಾತಾ ಗಣ್ಯೆರ್ ಅಂಚೆನೊ ಜನಸಾಮಾನ್ಯೆರ್ ಗೋಡಿದ್ ನಡಪಾದ್ ಕೊರೊಡು ಪನ್ದ್ ಪನ್ಡೆರ್. ಫೆಬ್ರವರಿ ತಿಂಗೊಲುಡು ನಡಪುನ ಬಜೆಟ್ ಅಧಿವೇಶನದ ಉಲಾಯಿ ಈ ಬಗೆಟ್ ನಿರ್ಣಯ ದೆತೊಂದು ರಾಷ್ಟ್ರಪತಿಲೆಗ್ ಕಡಪಾದ್ ಕೊರೊಡು ಪನ್ದ್ ಆಗ್ರಹ ಮಲ್ಪರೆ ಬೇಗೊಡು ನಿಯೋಗ ಮುಖ್ಯಮಂತ್ರಿಲೆನ್ ಭೇಟಿ ಮಲ್ಪುಂಡು ಪನ್ದ್ ತೆರಿದ್ ಬತ್ತ್ಂಡ್.

ಈ ಸುದ್ದಿಗೋಷ್ಟಿಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಗುರ್ಕಾರೆ ದಯಾನಂದ ಕತ್ತಲಸಾರ್, ತುಳು ರಂಗಭೂಮಿದ ವಿಜಯಕುಮಾರ್ ಕೊಡಿಯಾಲಬೈಲ್, ಎಚ್.ಕೆ ಶರೀಫ್ ಬೊಕ್ಕ ಶೈಲೇಶ್ ಮೊಕುಲು ಇತ್ತೆರ್.