1950ನೇ ಇಸ್ವಿದ ಜನವರಿ 26ತಾನಿ ಭಾರತ ಪರದೇಶಿಲೆ ಆಲ್ಮೆದ ಸಂಕೋಲೆನ್ ಕಡಿತ್ ದಕ್ಕ್‌ದ್ ಬ್ರಿಟಿಷೆರೆ ಒಟ್ಟುಗಿತ್ತಿ ಅಕೇರಿದ ಕೊಲಿಕ್ಕೆನ್ ಪೊಲ್ತ್ ದಕ್ಕ್ಂಡ್. ದೇಶ ತನನ್ ತಾನ್ ಸಾರ್ವಭೌಮ ಗಣತಂತ್ರ ಪಂದ್ ಘೋಷಣೆ ಮಲ್ತೊನುನೊಟ್ಟುಗು ಡಾ. ರಾಜೇಂದ್ರ ಪ್ರಸಾದೆರ್ ಪ್ರಮಾಣ ವಚನ ಗೆತೊಂಡೆರ್. ಈ ದಿನೊನು ಭಾರತೊದ ಸಂವಿಧಾನೊ ಜಾರಿಗ್ ಬತ್ತಿನ ದಿನ ಪಂದ್, ಕೂಟಾರ್ಮೆಗ್ ಪಜ್ಜೆ ದೀತಿನ ದಿನ ಪಂದ್ ನಮ ಸಂಬುರ್ಮೊಡು, ಗೌಜಿಡ್ ಕರಿತೊಂದುಲ್ಲ.
ಪ್ರಮಾಣ ವಚನೊ
ಜನವರಿ 26, 1950 ತಾನಿ, ಡಾ ರಾಜೇಂದ್ರ ಪ್ರಸಾದೆರ್ ಪೊಸದೆಲ್ಲಿದ ಸರ್ಕಾರಿ ಭವನೊದ (ಇತ್ತೆದ ರಾಷ್ಟ್ರಪತಿ ಭವನೊ) ದರ್ಬಾರ್ ಹಾಲ್‌ಡ್ ನಡತಿನ ಪ್ರಮಾಣವಚನ ಸಮಾರಂಭೊಡು ಭಾರತೊದ ರಾಷ್ಟ್ರಪತಿಯಾದ್ ಪ್ರಮಾಣವಚನ ಗೆತೊಂಡೆರ್. ಅವೆಕ್ ದುಂಬು, ಭಾರತೊದ 34ನೇ ಅಂಚೆನೇ ಅಕೇರಿದ ಗವರ್ನರ್ ಜನರಲ್ ಚಕ್ರವರ್ತಿ ರಾಜಗೋಪಾಲಾಚಾರಿ ಮೇರ್ ಭಾರತ ಗಣರಾಜ್ಯೊದ ತಾಪನೆನ್ ಅಧಿಕೃತವಾದ್ ಘೋಷಣೆ ಮಲ್ತೆರ್.
ಸೂರೂತ ಗಣತಂತ್ರ ಪರೇಡ್‌ದ ಜಾಗೆ
ರಾಜಪಥ ಗಣತಂತ್ರ ಪರೇಡ್‌ದ ಮೂಲ ಜಾಗೆ ಅತ್ತ್. ಕಡೀರ್ದ ಪರೇಡ್ ಇರ್ವಿನ್ ಸ್ಟೇಡಿಯಂಡ್, ಪಂಡ ಇತ್ತೆದ ಮೇಜರ್ ಧ್ಯಾನ್ ಚಂದ್ ನ್ಯಾಷನಲ್ ಸ್ಟೇಡಿಯಂಡ್ ನಡತಿತ್ತ್ಂಡ್.1955 ಡ್ ರಾಜ್‌ಪಥ್‌ನ್ ಶಾಶ್ವತ ಪರೇಡ್ ಗ್ರೌಂಡ್ ಮನ್ಪೆರ ದುಂಬು1950 ರ್ದ್ 1954 ತ ನಡುಟು, ಇರ್ವಿನ್ ಸ್ಟೇಡಿಯಂ, ಕಿಂಗ್ಸ್‌ವೇ, ರೆಡ್ ಫೋರ್ಟ್ ಬೊಕ್ಕ ರಾಮ್‌ಲೀಲಾ ಮೈದಾನ ಇಂಚ ಬೇತೆ ಬೇತೆ ಜಾಗೆಲೆಡ್ ಗಣರಾಜ್ಯೋತ್ಸವೊದ ಪರೇಡ್ ನಡತ್‌ದ.
ಅಶ್ವದಳೊ
ರಾಷ್ಟ್ರಪತಿಕುಲು ಇರ್ವಿನ್ ಸ್ಟೇಡಿಯಂಗ್ ಬನ್ನಗ, ಆರೆನ್ ಅಶ್ವದಳೊ ಎಸ್ಕಾರ್ಟ್ ಮಲ್ತಿತ್ತ್ಂಡ್. ರಾಷ್ಟ್ರಪತಿ ಡಾ. ರಾಜೇಂದ್ರ ಪ್ರಸಾದ್ ಇರ್ವಿನ್ ಸ್ಟೇಡಿಯಂಗ್ ಆರೆನ ಸಾರೋಟ್‌ದೊಟ್ಟುಗು ಬರ್ಯೆರಗುಪ್ಪುನ ಅಶ್ವದಳೊಕು ಸೆಲ್ಯೂಟ್ ಮನ್ಪುನೆನ್ ಈ ಪಟೊಟು ತೂವೊಲಿ.
ಪರೇಡ್
ಸ್ಟೇಡಿಯಂಗ್ ಬತ್ತಿನ ರಾಷ್ಟ್ರಪತಿ ಡಾ. ರಾಜೇಂದ್ರ ಪ್ರಸಾದೆರೆನ್ 31 ಸುತ್ತುದ ಗನ್ ಸಲ್ಯೂಟ್‌ಡ ಎಡುಕೊನುನ ಕ್ರಮೊ ನಡತ್ಂಡ್. ಅವು ಆಯಿನೇ ತನ್ನ ಜೀಪ್‌ಡ್ ಆಂಪಿಥಿಯೇಟರ್ ಸುತ್ತುದ್ 3000 ರಕ್ಷಣಾ ಪಡೆತಕುಲೆಗ್ ತನ್ನ ಗೌರವ ಸಂದಾಯೆರ್. ಕಡೀರ್ದ ಗಣತಂತ್ರೊದ ಲೇಸ್‌ಗ್ ಅಪಗದ ಇಂಡೋನೇಷ್ಯಾದ ಅಧ್ಯಕ್ಷೆ ಡಾ. ಸುಕರ್ನೋ ಮಲ್ಲಬಿನ್ನೆರಾದ್ ಬತ್ತಿತ್ತೆರ್.
ಇರ್ವಿನ್ ಸ್ಟೇಡಿಯಂ
1950ದ ಸುರೂತ ಗಣತಂತ್ರೊದ ಲೇಸ್‌ಡ್ ಸುಮಾರ್ 15,000ದಾತ್ ಜನ ಇರ್ವಿನ್ ಸ್ಟೇಡಿಯಂಡ್ ಸೇರ್ದಿತ್ತೆರ್. ಈ ಪಟೊತ ಪಿರವುಡು ಪುದರ್ ಪೋತಿನ ದೆಲ್ಲಿದ ‘ಪುರಾನಾ ಕಿಲಾ’ ನ್ ತೂವೊಲಿ. ವರದಿಲೆನ ಪ್ರಕಾರ ಆನಿ ಈ ಇಡೀ ಜಾಗೆ ತುಡರ ಬೊಲ್ಪುಡು ಮೆನ್ಕೊಂದಿತ್ತ್ಂಡ್‌ಗೆ.
ಡಾ. ಪ್ರಸಾದ್ ಬೊಕ್ಕ ಸರ್ದಾರ್ ಪಟೇಲ್
ರಾಷ್ಟ್ರಪತಿ ಡಾ ರಾಜೇಂದ್ರ ಪ್ರಸಾದೆರ್ ಕಡೀರ್ದ ಗಣರಾಜ್ಯೋತ್ಸವೊಡು ಸರ್ಕಾರಿ ಭವನೊದ (ಇತ್ತೆದ ರಾಷ್ಟ್ರಪತಿ ಭವನೊ) ಎದುರುಡು ಸರ್ದಾರ್ ವಲ್ಲಭಭಾಯಿ ಪಟೇಲೆರೆ ಬರಿಟ್ ಕುಲ್ಲುದಿಪ್ಪುನೆನ್ ಈ ಪಟೊಟು ತೂವೊಲಿ.
ಭಾರತೊದ ಅಕೇರಿದ ಗವರ್ನರ್ ಜನರಲ್
ಜನವರಿ 27, 1950 ತಾನಿ, ರಾಷ್ಟ್ರಪತಿ ಡಾ. ರಾಜೇಂದ್ರ ಪ್ರಸಾದ್ ಬೊಕ್ಕ ಪ್ರಧಾನಮಂತ್ರಿ ಜವಾಹರಲಾಲ್ ನೆಹರು ಮೊಕುಲು ಭಾರತೊದ ಗವರ್ನರ್ ಜನರಲ್ ಆದಿತ್ತಿನ ಶ್ರೀ ಚಕ್ರವರ್ತಿ ರಾಜಗೋಪಾಲಾಚಾರಿ ಮೆರೆಗ್ ಪೊಸದೆಲ್ಲಿದ ಸರ್ಕಾರಿ ಭವನೊದ ವಿದಾಯ ತೆರಿಪಾಯೆರ್.
ಡಾ. ಬಿ. ಆರ್. ಅಂಬೇಡ್ಕರ್
ಸುರೂತ ಗಣತಂತ್ರ ದಿನೊತ ಲೇಸ್‌ಗ್ ಬೈದಿನ ಗಣ್ಯೆರೆ ನಡುಟು ಡಾ. ಬಿ. ಆರ್. ಅಂಬೇಡ್ಕರ್ (ಬಲತ್ತ ಮರ್ಗಿಲ್‌ರ್ದ್ ಏಳನೇದಾರ್)
