Last updated on January 5th, 2024 at 05:48 pm
ಕುಡ್ಲ: ಮನಪಾ ಬೋಳೂರು ವಾರ್ಡ್ ಕಾರ್ಪೊರೇಟರ್ ಜಗದೀಶ್ ಶೆಟ್ರ್ ಕೋಡೆ ಬಯ್ಯಡ್ ವಿಷ ತಿಂದ್‌ದ್ ಆತ್ಮಹತ್ಯೆ ಮನ್ತೊನರ ತೂತೆರ್.
ಪೇಂಟೆದ ಡಿಸಿ ಆಫೀಸ್‌ದಲ್ಪದ ತಾಜ್ ಮಂಜೂರಾನ್ ಹೊಟೇಲ್‌ದಲ್ಪ ಕಾರ್‌ಡೇ ಕುಲೊಂದು ಆದ್ ವಿಷ ತಿಂತೆರ್. ಬಚ್ಚಿರೆಗ್ ಸ್ಪ್ರೇ ಮನ್ಪುನ ಮರ್ದ್‌ನ್ ರಡ್ಡ್ ಚಮ್ಚದಾತ್ ತಿಂತೆರ್ ಪಂದ್ ತೆರಿದ್‌ಬೈದ್ಂಡ್
ಜಗದೀಶ್ ಶೆಟ್ಟಿ ಮೇರ್ ವಿಷ ಗೆತೊಂದು ಅಸ್ವಸ್ಥೆರಾದಿತ್ತಿನೆನ್ ತೂದು ಅಲ್ಪ ಇತ್ತಿನಕುಲು ಅಪಗನೇ ಪ್ರೈವೇಟ್ ಆಸ್ಪತ್ರೆಗ್ ಸೇರಾದೆರ್. ಆಸ್ಪತ್ರೆಗ್ ಎತ್ತ್‌ನಗ ಆರೆಗ್ ಬಾರಿ ಸೀರಿಯಸ್ ಆದಿತ್ತ್ಂಡ್. ಆಂಡ ಇತ್ತೆ ಒಂತೆ ಉಸಾರಾತೆರ್ಂದ್ ತೆರಿದ್ ಬೈದ್ಂಡ್‌. ಆರೆನ್ ಐಸಿಯುಡ್ ದೀದ್ ಪರಿಶೀಲನೆ ಮಲ್ತೊಂದುಲ್ಲೆರ್.