ಜೋಕುಲೆನ ಕೈಟ್ ತಾಮರೆದ ಪೂ ತೂದು ಕಾಂಗ್ರೇಸ್ ಶಾಸಕಗ್ ಏರಿನ ಪಿಸಿರ್! ಟೀಚರೆಗ್ ಏಕವಚನೊಡು ನೆರ್ಪಟ

Last updated on January 27th, 2024 at 08:27 am

ಹಾಸನೊಡು ನಡತಿನ ಗಣರಾಜ್ಯೋತ್ಸವ ಲೇಸ್ ಡ್ ಶಾಲೆದ ಜೋಕುಲೆನ ನಲಿಕೆದ ಪೊರ್ತುಡು ಜೋಕುಲೆ ಕೈಕ್ ಶಿಕ್ಷಕಿ ಒರ್ತಿ ತಾಮರೆ ಪೂ ಕೊರಿನೆಕ್ಕ್ ಅರಸೀಕೆರೆತ ಕಾಂಗ್ರೇಸ್ ಶಾಸಕೆ ಶಿವಲಿಂಗೇಗೌಡೆರ್ ಆಕ್ಷೇಪ ತೂಪಾಯೆರ್.

ಜೋಕುಲೆಗ್ ಮಾತಾ ರಾಷ್ಟ್ರೀಯ ಚಿನ್ಹೆ ಕೊರ್ದು ನೃತ್ಯ ಪ್ರದರ್ಶನ ನಡತೊಂದಿತ್ತ್ಂಡ್. ಅವೆಟ್ ತಾಮರೆದ ಪೂ ಉಪ್ಪುನ ತೂದು ಶಾಸಕ ಶಿವಲಿಂಗೇಗೌಡ ಮೇರ್ ತಾಮರೆ ರಾಷ್ಟ್ರೀಯ ಪೂ ಪನ್ದ್ ಮದತ್ ಬಿಜೆಪಿ ಪಕ್ಷದ ಚಿಹ್ನೆ ಪನ್ದ್ ಗೆರೆತ್ ಆಕ್ಷೇಪ ಮಲ್ತೆರ್.

ದಾಯೆಗ್ ತಾಮರೆ ಪೂ ಪಾಡ್ದರ್ ದೆಪ್ಪುಲೆ ಪನ್ದ್ ಟೀಚರ್ ಗ್ ನೆರ್ದ್ ಶಿವಲಿಂಗೇಗೌಡ ಪನ್ಡೆರ್. ಅವೆಕ್ ಟೀಚರ್ ಅವ್ ರಾಷ್ಟ್ರೀಯ ಪೂ, ಅವೆತ ಒಟ್ಟುಗು ಮಾತಾ ರಾಷ್ಟ್ರೀಯ ಚಿಹ್ನೆಲು ಉಂಡು ಪನ್ಡಿನೆಕ್ಕ್ ಕುಡ ಪಿಸಿರಾಯಿನ ಶಾಸಕೆ, ಏಯ್ ನಿಕ್ಕ್ ದಾದ ಗೊತ್ತುಂಡು, ನಿಕುಲು ನನ ಏತ್ ಜೋಕುಲೆನ್ ಉದ್ದಾರ ಮಲ್ಪರ್ ಪನ್ದ್ ನೆರಿಯೆರ್. ಈರ್ ಇಂಚ ಪೂರಾ ಪಾತೆರುನ ಸಮ ಅತ್ತ್ ಪನ್ದ್ ಟೀಚರ್ಲಾ ವಾರ್ನಿಂಗ್ ಕೊರಿಯೆರ್. ಎಂಕೇ ಎದುರು ಪಾತೆರುವನಾ ನಿಕ್ಕ್ ನೋಟೀಸ್ ಕೊರ್ಪೆ ಪನ್ದ್ ಶಾಸಕೆ ಪಿಸಿಂಟ್ ತೂಪಾಯೆರ್. ಬೊಕ್ಕ ಅಲ್ಪದ ಸ್ಥಳೀಯ ಮುಖಂಡೆರ್ ಮದ್ಯೆ ಬತ್ತ್ ಪರಿಸ್ಥಿತಿ ಸಮ ಮಲ್ತೆರ್.