ಬಂಟ್ವಾಳ : ಸುದೆ ನಡುಟು ಸತ್ಯನಾರಾಯಣ ಪೂಜೆ

Last updated on January 23rd, 2024 at 06:46 am

ಅಯೋಧ್ಯೆದ ರಾಮ ಮಂದಿರೊಡು ಸೋಮಾರ ಶ್ರೀ ರಾಮನ ಪ್ರಾಣ ಪ್ರತಿಷ್ಟಾಪನೆ ಆತಿನ ಲೆಕ್ಕೊಡು ಬಂಟ್ವಾಳ ಶ್ರೀ ತಿರುಮಲ ವೆಂಕಟರಮಣ ಸ್ವಾಮಿ ದೇವಲ್ಯದ ಕೈತಲ್ ನೇತ್ರಾವತಿ ಸುದೆತ ನಡುಟು ಸತ್ಯನಾರಾಯಣ ಪೂಜೆ ನಡತ್ಂಡ್.

ಅಯೋಧ್ಯೆ ಕರಸೇವೆಡ್ ರಡ್ಡ್ ಸಲ ಪಾಲ್ ಪಡೆದಿತ್ತಿನ ಬಂಟ್ವಾಳದ ಪುರಸಭಾ ಸದಸ್ಯೆರಾಯಿನ ಎ.ಗೋವಿಂದ ಪ್ರಭು ಮೆರೆನ ಗುರ್ಕಾರ್ಮೆಡ್ ಪೂಜೆ ನಡತ್ಂಡ್. ಅಯೋಧ್ಯೆಗ್ ಪೋವರೆ ಆವಂದಿನೆರ್ದಾವರ ಸರಸೂ ಸುದೆತಾತೇ ಪವಿತ್ರವಾಯಿನ ನೇತ್ರಾವತಿಡೇ ಪೂಜೆ ಮಲ್ಪುನ ನಿರ್ದಾರ ಮಲ್ದಿತ್ತೆರ್.

ಸಾರ ಸಾರ ಜನಕುಲು ಈ ಪೂಜೆಡ್ ಪಾಲ್ ದೆತೊಂದು ದೇವೆರೆ ಪುರ್ಸಾದೊನು ದೆತೊನ್ಡೆರ್. ಸುದೆ ನಡುಟು ಪೂಜಾ ಮಂಟಪ ಅಂಚೆನೆ ಅವೆತ ಕೈತಲೇ ದೀತಿನ ಶ್ರೀ ರಾಮನ ಮೂರ್ತಿದ ಸ್ಥಬ್ದಚಿತ್ರ ವಿಶೇಷ ಆಕರ್ಷಣೆ ಆದಿತ್ತ್ಂಡ್.