ಕುಡ್ಲ : ಕಡಲ್‌ಗ್ ಜತ್ತ್ ಮೀಯೊಂದಿಪ್ಪುನಗ ಹೃದಯಾಘಾತೊಡು ಜವನೆ ಒರಿ ತೀರಿಯೆರ್

Last updated on February 22nd, 2024 at 04:11 pm

ಇಡ್ಯಾ ಕಡಲಕರೆಟ್ ಮೀಯರೆ ಜತ್ತಿನ 32 ವರ್ಸದ ಜವನೆ ಒರಿ ಫೆಬ್ರವರಿ 21ಕ್ಕ್ ಬುದಾರ ಹೃದಯಾಘಾತ ಆದ್ ತೀರಿಯೆರ್ ಪನ್ದ್ ತೆರಿದ್ ಬೈದ್ಂಡ್.

ಚೊಕ್ಕಬೊಟ್ಟುದ ಅಸ್ಗರ್ ಪನ್ಪಿನಾರ್ ತೀರಿನ ಜವನೆ. ಮೇರ್ ಡ್ರೈವರ್ ಆದ್ ಬೇಲೆ ಮಲ್ತೊಂದಿತ್ತೆರ್. ಇಡ್ಯಾ ಪಲ್ಲಿದಲ್ಪ ಬುದಾರ ಮದ್ಯಾಹ್ನ ಕಡಲ್‌ಗ್ ಜತ್ತಿನೆ ಈ ನಡಕೆ ನಡದ್ಂಡ್. ಈ ಬಗೆಟ್ ತೊರತಲ್ ಪೋಲೀಸೆರ್ ಪ್ರಕರಣ ಪಾಡೊಂದೆರ್.