Last updated on February 22nd, 2024 at 10:35 am
ತುಳುನಾಡ್ದ ಕಡಲ ಕರೆಟ್ ಮೀನ್‌ದ ಬೋಂಟೆ ಕಮ್ಮಿ ಆಯಿನೆರ್ದಾವರ ಒಮಾನಿ ಬೂತಾಯಿ ಮೀನ್ ಇತ್ತೆ ಮಾರ್ಕೇಟ್‌ಡ್ ಬೈದ್ಂಡ್. ಈ ಬೂತಾಯಿ ಮೀನ್ ಎಲ್ಯ ಬಂಗುಡೆದಾತ್ ಮಲ್ಲ ಉಪ್ಪುಂಡು, ಅಂಚೆನೆ ಉಂದೆತ ಟೇಸ್ಟ್‌ಲಾ ಎಡ್ಡೆ ಉಪ್ಪುಂಡು. ಅಂಚಾದ್ ಉಂದೆಕ್ ಎಡ್ಡೆ ಡಿಮಾಂಡ್ ಬರೊಂದುಂಡು.
ಈ ಬೂತಾಯಿಗ್ ಗುಜರಾತಿ ಬೂತಾಯಿ ಪನ್ದ್ ಪನ್ಪೆರ್, ಆಂಡ ಈ ಬೂತಾಯಿಗ್ಲಾ ಗುಜರಾತ್‌ಗ್ಲಾ ದಾಲಾ ಸಂಬಂದೊ ಇಜ್ಜಿ. ಊರುದ ಬೂತಾಯಿರ್ದ್ ಈ ಬೂತಾಯಿಗ್ ಕಿರಯ ಎಚ್ಚ. ಊರುದ ಬೂತಾಯಿಗ್ ಕೆಜಿಗ್ 150 ರ್ದ್ 170 ಇತ್ತ್ಂಡ ಈ ಒಮಾನಿ ಬೂತಾಯಿಗ್ ಕೆಜಿಗ್ 200 ರ್ದ್ 230 ಮುಟ್ಟ ಉಂಡು. ಒಮಾನಿದ ಒಂಜಿ ಬೂತಾಯಿ ನಮ್ಮ ಊರುದ ರಡ್ಡ್ ಬೂತಾಯಿದಾತ್ ಮಲ್ಲ ಉಪ್ಪುಂಡು.