Last updated on February 13th, 2024 at 10:04 am
17 ನೇ ಲೋಕಸಭೆಟ್ 5 ವರ್ಸೊಡು 1354 ಗಂಟೆ ಕಲಾಪ ನಡದ್ಂಡ್. ಈ ಪೊರ್ತುಡು ಕರ್ನಾಟಕದ ನಾಲ್ವೆರ್ ಸೇರ್ದ್ 9 ಸದಸ್ಯೆರ್ ಒಂಜಿ ಪಾತೆರಲಾ ಪಾತೆರ್ದಿಜೆರ್, ಚರ್ಚೆಡ್ಲಾ ಪಾಲ್ ಪಡೆದ್ಜೆರ್ ಪನ್ದ್ ತೆರಿದ್ ಬೈದ್ಂಡ್.
ಲೋಕಸಭೆ ಕಲಾಪದ ಪೊರ್ತುಡು ಪಾತೆರಂದಿನ ಕರ್ನಾಟಕದ ಈ ನಾಲ್ ಎಂ.ಪಿನಕುಲು ಏರ್ ಪನ್ಡ – ಅನಂತಕುಮಾರ್ ಹೆಗಡೆ, ಬಿ.ಎನ್ ಬಚ್ಚೇಗೌಡ, ವಿ.ಶ್ರೀನಿವಾಸ ಪ್ರಸಾದ್ ಬೊಕ್ಕ ರಮೇಶ್ ಜಿಗಜಿಣಗಿ. ಮೊಕುಲು ನಾಲ್ ಜನಲಾ ಬಿ.ಜೆ.ಪಿರ್ದ್ ವಿನ್ ಆತಿನಕುಲು.
ಉಂದೆಟ್ ರಮೇಶ್ ಜಿಗಜಿಣಗಿ ಮೇರ್ ಪ್ರಶ್ನೆ ಕೇನ್ದಿಜೆರ್, ಕಲಾಪೊಡು ಕೇನರೆ ಪ್ರಶ್ನೆಲಾ ಕಡಪುಡ್ದಿಜೆರ್. ಒರಿನ ಮೂಜಿ ಜನ ಚರ್ಚೆಡ್ ಪಾಲ್ ಪಡೆಯಿಜೆರ್ಡಲಾ ಕಲಾಪೊಡು ಪಾಲ್ ಪಡೆಯೊಂದಿತ್ತೆರ್ ಪನ್ದ್ ತೆರಿದ್ ಬೈದ್ಂಡ್.