ಕುಡ್ಲ : ಭವಾನಿ ಬಸ್‌ದ ಧನಿನ ಮಗೆ ಆತ್ಮಹತ್ಯೆ ಮಲ್ತೊಂಡೆರ್

Last updated on February 28th, 2024 at 03:55 pm

ಕುಡ್ಲಡ್ ಖಾಸಗಿ ಬಸ್‌ದ ವೈವಾಟ್ ತೂವೊಂದಿತ್ತಿನ ಉದ್ಯಮಿ ಒರಿ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂಡೆರ್.

ತೀರಿನಾರ್ ಕುಡ್ಲದ ಬಜಾಲ್‌ದ ಪ್ರಜ್ವಲ್.ಡಿ(35) ಪನ್ದ್ ತೆರಿದ್ ಬೈದ್ಂಡ್. ಮೇರ್ ಭವಾನಿ ಬಸ್‌ದ ಧನಿಕುಲಾದಿತ್ತಿನ ದಿ।ದೇವೇಂದ್ರ ಮೆರೆನ ರಡ್ಡನೇ ಮಗೆ. ಅಂಗಾರೆ ಕಾಂಡೆ ತನ್ನ ಇಲ್ಲಡ್ ಫ್ಯಾನ್‌ಗ್ ಬಲ್ಲ್ ಪಾಡ್ದ್ ತೀರಿಯೆರ್ ಪನ್ದ್ ತೆರಿದ್ ಬೈದ್ಂಡ್.

ಲೋನ್ ಆ್ಯಪ್‌ಡ್ ವೈವಾಟ್ ದೀವೊಂದಿತ್ತಿನ ಪ್ರಜ್ವಲ್ ಮೆರೆಗ್ ಸಮಗಟ್ಟ್ ಕಡ ಪಿರ ಕಟ್ಟರೆ ಆವಂದೆ ಮಾನಸಿಕವಾದ್ ಕಿರುಕುಳ ಆದಿತ್ತ್ಂಡ್. ಅಂಚಾದ್ ಮಂಡೆಬೆಚ್ಚೊಡು ಇಂಚ ಮಲ್ತಿಪ್ಪೆರ್ ಪನ್ಪಿನ ಸಂಶಯ ಉಂಡು. ಆತ್ಮಹತ್ಯೆಗ್ ಪತ್ತ ನೆವನ ನನಲ ತೆರಿದ್ ಬೈಜಿ. ಮೆರೆಗ್ ಬೊಡೆದಿ ಬೊಕ್ಕ ನಾಲ್ ವರ್ಸದ ಬಾಲೆ ಇತ್ತ್ಂಡ್.