Last updated on February 3rd, 2024 at 01:31 pm
ಭಾರತೊದ ಯಶಸ್ವೀ ಪೇಮೆಂಟ್ ಮಾಡೆಲ್ UPI (ಯೂನಿಫೈಡ್ ಪೇಮೆಂಟ್ಸ್ ಇಂಟರ್ಫೇಸ್) ಇತ್ತೆ ಜಾಗತಿಕ ಮಟ್ಟೊಡು ತನ್ನ ಪುಗಾರ್ತೆನ್ ಎಚ್ಚ ಮಲ್ತೊಂದಿತ್ತ್‌ದ್, ಇತ್ತೆ ಪ್ರವಾಸಿಗೆರೆ ಸ್ವರ್ಗ ಫ್ರಾನ್ಸ್‌ಡ್ಲಾ UPI ಪೇಮೆಂಟ್ ಸೇವೆ ಸುರು ಆತ್ಂಡ್.
ಭಾರತ ಕೋಡೆ(ಫೆಬ್ರವರಿ 02) ಔಪಚಾರಿಕವಾದ್ ಪ್ಯಾರಿಸ್ ಪ್ರವಾಸೋದ್ಯಮೊದ ಕೇಂದ್ರ ಬಿಂದು ಐಫೆಲ್ ಟವರ್ಡ್ ತನ್ನ ಯುಪಿಐ ಸೇವೆನ್ ಸುರು ಮಲ್ದ್ಂಡ್. ಆ ಮುಕೇನ ಭಾರತೊದ ಯುಪಿಐ ಪೇಮೆಂಟ್ ಸಿಸ್ಟಂನ್ ಜಾಗತಿಕ ಮಟ್ಟೊಗು ಕೊನೊವೊಡು ಪನ್ಪಿನ ಪ್ರಧಾನಿ ಮೋದಿಯೆರೆನ ದೂರದೃಷ್ಟಿ ಸಾಕಾರ ಆವೊಂದುಂಡು.
ಈ ಬಗೆಟ್ ಒಲವು ಕೊರ್ತಿನ ಫ್ರಾನ್ಸ್‌ಡುಪ್ಪುನ ಭಾರತೊದ ರಾಯಭಾರ ಕಚೇರಿ, ‘ಭಾರತೊದ UPI ಔಪಚಾರಿಕವಾದ್ ಐಕಾನಿಕ್ ಐಫೆಲ್ ಟವರ್ಡ್ ಕೂಟಾರ್ಮೆದ ಮಾಮಲ್ಲ ಲೇಸ್‌ಡ್ ವಿದ್ಯುಕ್ತ ಚಾಲನೆ ಆದಿತ್ತ್‌ದ್, ಪ್ರಧಾನಿ ಮೋದಿಯೆರೆನ ಘೋಷಣೆ ಬೊಕ್ಕ UPI ನ್ ಜಾಗತಿಕವಾದ್ ಒತ್ತೊನುನ ದೃಷ್ಟಿನ್ ಅಂದ್ ಮಲ್ತೊಂದುಲ್ಲ” ಪಂದ್ ✖️ ಮಲ್ದ್ಂಡ್.
ಪ್ರಾಸಂಗಿಕವಾದ್, ಪ್ರಧಾನಿ ಮೋದಿಯೆರೆ ಲೆಪ್ಪುಗು, ಫ್ರಾನ್ಸ್ ಅಧ್ಯಕ್ಷೆ ಎಮ್ಯಾನುಯೆಲ್ ಮ್ಯಾಕ್ರನ್ ಮೇರ್ ಜನವರಿ 26 ಕ್ ಪೊಸದೆಹಲಿಡ್ 75 ನೇ ಗಣರಾಜ್ಯೋತ್ಸವದ ಮಲ್ಲ ಬಿನ್ನೆ ಆದ್ ಬತ್ತಿತ್ತೆರ್.
ಯೂನಿಫೈಡ್ ಪೇಮೆಂಟ್ಸ್ ಇಂಟರ್ಫೇಸ್ (UPI) 2016 ಟ್ ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ ಅಭಿವೃದ್ಧಿ ಮಲ್ದಿನ ಇಂಡಿಯನ್ ಕ್ವಿಕ್ ಪೇಮೆಂಟ್ ಸಿಸ್ಟಂ. ಯುಪಿಐ ಪನ್ಪಿನವು NPCI ಪ್ರಕಾರ, ಬೇತೆ ಬೇತೆ ಬ್ಯಾಂಕ್ ಅಕೌಂಟ್‌ಲೆನ್ ಒಂಜೇ ಮೊಬೈಲ್ ಅಪ್ಲಿಕೇಶನ್‌ಡ್ ಗಲಸುನ ವ್ಯವಸ್ಥೆಯಾದುಂಡು.