Last updated on February 7th, 2024 at 10:13 am
ನಂದಿಕೂರು ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯೊಡು ಸ್ವರ್ಣ ಪಲ್ಲಕ್ಕಿ ಸಮರ್ಪಣೆ ಮಾರ್ಚ್ 14ಕ್ಕ್ ಪಲಿಮಾರ್ ಮಠಾದೀಶೆರಾಯಿನ ಶ್ರೀ ವಿದ್ಯಾದೀಶತೀರ್ಥ ಶ್ರೀಪಾದೆರ್ ಮಲ್ಪರೆ ಉಲ್ಲೆರ್.
ಸುಮಾರ್ ರಡ್ಡ್ ಕೆಜಿ ಬಂಗಾರ ಒಪ್ಪ ಉಪ್ಪುನ ಪಲ್ಲೆಂಕಿನ್ 1.5 ಕೋಟಿಡ್ ಭಕ್ತೆರ್ನ ದೇಣಿಗೆಡ್ ತಮಿಳುನಾಡ್ದ ಅಚ್ಚವೆರ್ ದೇವಲ್ಯೊಡು ನಿರ್ಮಿತೊಂದುಲ್ಲೆರ್. ತೆಕ್ಕಿದ ಮರತ ಪಲ್ಲೆಂಕಿ ನಿರ್ಮಿತ್ ಅವೆಕ್ ಚೆಂಬುದ ತಗಡ್ ಪೊದೆದ್ ಆತ್ಂಡ್, ಅವೆತ ಮಿತ್ತ್ ಬಂಗಾರ್ದ ಲೇಪ ಪಾಡುಂಡು.
ನಂದಿಕೂರು ದೇವಲ್ಯ ಮಸ್ತ್ ಪಿರಾಕ್ದ, 1200 ವರ್ಸದ ಪರತಿರಿ ಉಂದೆಕ್ ಉಂಡು. ತುಳುನಾಡ್‌ಡೇ ಸುರುಕು ಸ್ವರ್ಣ ಕೊಡಿಮರ ಇತ್ತಿನ ಕ್ಷೇತ್ರ ಉಂದು ಪನ್ದ್ ದೇವಲ್ಯ ವ್ಯವಸ್ಥಾಪನಾ ಸಮಿತಿದ ಗುರ್ಕಾರೆ ಎನ್.ಮಧ್ವರಾಜ್ ಭಟ್ ತೆರಿಪಾದೆರ್.