Last updated on February 1st, 2024 at 04:01 pm
ಕೇಂದ್ರ ಪನವುದ ಸಚಿವೆದಿ ನಿರ್ಮಲಾ ಸೀತರಾಮನ್ ಇನಿ ಮೋದಿ ಸರಕಾರದ ರಡ್ಡನೇ ಅವಧಿದ ಅಕೇರಿದ ಬಜೆಟ್ ಮಂಡನೆ ಮಲ್ತೆರ್. ಈ ಸಲತ ಬಜೆಟ್‌ಡ್ ದೇಶದ ಜನಕುಲೆಗ್ ದರ್ಮದ ಕರೆಂಟ್ ತಿಕ್ಕುಲೆಕ್ಕ ಒಂಜಿ ಯೋಜನೆ ಮಲ್ದೆರ್.
ಈ ಬಜೆಟ್‌ಡ್ ದೇಶೊಡು ಸೌರಶಕ್ತಿಗ್ ಎಚ್ಚಿನ ಬೆರಿಬಲ ಕೊರೊಡು ಪನ್ದ್ ಪನ್ಡೆರ್, ಉಂದೆರ್ದಾವರ ದೇಶೊಡು ಪಿರಿಯದ ಕರೆಂಟ್ ಕುಂದೆಲ್‌ದ ಸಮಸ್ಯೆಗ್ ಪರಿಯಾರ ತಿಕ್ಕುಂಡು ಪನ್ದ್ ಪನ್ಡೆರ್.
ಇಲ್ಲದ ಮಿತ್ತ್ ಸೌರಶಕ್ತಿ ಗಲಸ್‌ದ್ ದರ್ಮೊಗು ಕರೆಂಟ್ ಪಡೆಯೊಲಿ, ರೂಫ್‌ಟಾಪ್ ಸೋಲಾರ್ ತಂತ್ರಜ್ಞಾನೊಡು ಒಂಜಿ ಕೋಟಿ ಕುಟುಮೊಲು ತಿಂಗೊಲುಗು 300 ಯುನಿಟ್ ದರ್ಮೊಗು ಕರೆಂಟ್ ಪಡೆಯೊಲಿ. ಪ್ರಧಾನಮಂತ್ರಿ ಸೂರ್ಯೋದಯ ಯೋಜನೆಡ್ ಒಂಜಿ ಕೋಟಿ ಇಲ್ಲಲೆಗ್ ಮಿತ್ತ್ ಸೋಲಾರ್ ತಂತ್ರಜ್ಞಾನ ಪಾಡುನ ಯೋಜನೆನ್ ಪ್ರಧಾನಮಂತ್ರಿಲು ಘೋಷಣೆ ಮಲ್ದೆರ್. ಈ ಯೋಜನೆ ಕನವರೆ ರಾಷ್ಟ್ರಮಟ್ಟದ ಅಭಿಯಾನ ಮಲ್ಪರೆ ಪ್ರಧಾನಿ ಅಧಿಕಾರಿಲೆಗ್ ತೆರಿಪಾದೆರ್ ಪನ್ದ್ ಪನ್ಡೆರ್.