Last updated on February 6th, 2024 at 09:53 am
ಪುತ್ತಿಲ ಪರಿವಾರೊನು ಬಿಜೆಪಿಗ್ ಗೋಡ್ಯಾವುನ ಬಗೆಟ್ ತೀರ್ಮಾನ ದೆತೊನರೆ ಬಿಜೆಪಿ ನಾಯಕೆರೆಗ್ ಮೂಜಿ ದಿನೊತ ಗಡು ಕೊರ್ಪುಂಡು. ಉಂದೆಕ್ ಬೋಡಾಪಿಲೆಕ್ಕ ಸ್ಪಂದನೆ ತಿಕ್ಕಿಜಿಡ ಪುತ್ತಿಲ ಪರಿವಾರ ರಾಜಕೀಯ ಕ್ಷೇತ್ರೊಗು ಜಪ್ಪುಂಡು ಪನ್ದ್ ಪುತ್ತೂರುಡು ನಡತಿನ ಪುತ್ತಿಲ ಪರಿವಾರದ ಸಮಾಲೋಚನಾ ಸಭೆಟ್ ಘೋಷಣೆ ಆಂಡ್.
ಪುತ್ತಿಲ ಪರಿವಾರದ ಸಮಾಲೋಚನಾ ಸಭೆ ಫೆಬ್ರವರಿ 5ಕ್ಕ್ ನಡತ್ಂಡ್. ಪುತ್ತಿಲ ಪರಿವಾರದ ಪರವಾದ್ ಪಾತೆರಿನ ಶ್ರೀಕೃಷ್ಣ ಉಪಾಧ್ಯಾಯೆರ್, ಸಾಮಾನ್ಯ ಕಾರ್ಯಕರ್ತೆ ಆದ್ ಅರುಣ್ ಕುಮಾರೆರ್ ಬಿಜೆಪಿಗ್ ಸೇರೊಡು ಪನ್ಪಿನೆನ್ ಒವ್ವೇ ಕಾರ್ಯಕರ್ತೆರ್ ಒತ್ತೊನುಜೆರ್. ಅರುಣ್ 35 ವರ್ಸೊರ್ದಿಂಚಿ ಒವ್ವೇ ಅಧಿಕಾರದ ಆಸೆ ದಾಂತೆ ಸಂಘಟನೆ, ಪಕ್ಷೊಗು ಬೆನ್ತಿನಾರ್. ಅಂಚಾದ್ ಷರತ್ತುಲೆನ್ ಸೈಡ್ ಗ್ ದೀದ್ ಅರೆಗ್ ಕಾರ್ಯಕರ್ತೆನ ಅಪೇಕ್ಷೆದ ಲೆಕ್ಕ ಸ್ಥಾನಮಾನ ಕೊರೊಡು ಪನ್ದ್ ಪನ್ಡೆರ್.
ಅರುಣ್ ಪುತ್ತಿಲೆರ್ ಪಾತೆರ್ದ್, ಪುತ್ತಿಲ ಪರಿವಾರ ಬೊಕ್ಕ ಬಿಜೆಪಿ ಒಂಜಾಪಿನೆತ್ತ ಬಗೆಟ್ ರಡ್ಡ್ ಮೂಜಿ ಸಲ ಪಾತೆರಕತೆ ಆತ್ಂಡ್. ರಾಜ್ಯದ ನಾಯಕೆರ್ ಮನಸ್ ಮಲ್ತ್ಂಡಲಾ ಪುತ್ತೂರುದ ಕೆಲವೆರ್ ವಿರೋಧ ಮಲ್ತೊಂದುಲ್ಲೆರ್. ಅಕಲೆಗ್ ನರೇಂದ್ರ ಮೋದಿ ಬೊಕ್ಕ ದೇಶೊದ ಎಡ್ಡೆಪ್ಪುರ್ದು ಗೊಂದಲನೇ ಮುಖ್ಯ ಪನ್ದ್ ಪನ್ಡೆರ್.