Last updated on February 4th, 2024 at 07:26 pm
ಬಂಟ್ವಾಳ: ಅಕ್ರಮವಾದ್ ಕೈಕಂಜಿಲೆನ್ ಕಡ್ತ್‌ದ್ ಮಾಸ ಮಲ್ತೊಂದಿತ್ತಿನ ಕಸಾಯಿಖಾನೆಗ್ ಬಂಟ್ವಾಳ ಎಸ್. ಐ.ರಾಮಕೃಷ್ಣ ಮುತಾಲಿಕೆದ ಪೋಲೀಸ್ ಕೂಟ ದಾಳಿ ಮಲ್ತ್‌ದ್ ಕ್ವಿಂಟಾಲ್‌ಗಟ್ಲೆ ಮಾಸದೊಟ್ಟುಗು ಒರ್ಯನ್ ಕೈದ್ ಮಲ್ತಿತ್ತ್‌ದ್, ಇರ್ವೆರ್ ಆರೋಪಿಲು ಪದ್ರಾಡಾತೆರ್.
ಕಲ್ಲಡ್ಕ ಗೋಳ್ತಮಜಲ್ ಮದಕ ನಿವಾಸಿ ಸಿದ್ದೀಜ್ ಪನ್ಪಿನಾಯನ್ ಪೋಲೀಸೆರ್ ಕೈದ್ ಮಲ್ದೆರ್. ನಜೀರ್ ಬೊಕ್ಕ ಸುಲೈಮಾನ್ ಪನ್ಪಿನಕುಲು ಇರ್ವೆರ್ ಆರೋಪಿಲು ಪದ್ರಾಡಾತೆರ್.
ಆರೋಪಿ ನಜೀರ್ ಪನ್ಪಿನಾಯನ ಇಲ್ಲದ ಪಿರವುದ ಶೆಡ್‌ಡ್ ಅಕ್ರಮ ಕಸಾಯಿಖಾನೆ ನಡಪಾವೊಂದಿತ್ತೆರ್.
ಮಾರ್ಯೆರ ರೆಡಿ ಮಲ್ದಿತ್ತಿನ ರಡ್ಡ್ ಕ್ವಿಂಟಾಲ್ ಪೆತ್ತದ ಮಾಸ, ಕೃತ್ಯೊಗು ಗಲಸ್ದಿನ ಅಲ್ಟೋ ಕಾರ್, ರಿಕ್ಷಾ ಬೊಕ್ಕ ಸ್ಕೂಟಿ, ತಜಮರ, ತೂಕೊದ ಸ್ಕೇಲ್, ಕತ್ತಿ ಇಂಚಿನ ಸೊತ್ತುಲೆನ್ ವಶೊಕು ಗೆತೊಂದೆರ್.
ಎಸ್. ಐ.ರಾಮಕೃಷ್ಣ ಮುತಾಲಿಕೆಡ್ ದಾಳಿ ನಡತಿತ್ತ್‌ದ್, ಪರಾರಿಯಾತಿನ ಇರ್ವೆರ್ ಆರೋಪಿಲೆನ್ ಬತ್ತೆರ ಪೋಲೀಸೆರ್ ಬೇಪು ನೆಯಿತೆರ್.