ತುಳುನು ರಾಜ್ಯದ ರಡ್ಡನೇ ಭಾಷೆಯಾದ್ ಯಾಪ ಘೋಷಣೆ ಮಲ್ಪುವರ್ ಪನ್ದ್ ಸಚಿವೆರೆಗ್ ಕೇನ್ಡಿನ ವಿಧಾನ ಪರಿಷತ್ ಸದಸ್ಯೆ ಬಿ.ಎಂ.ಫಾರೂಕ್, ಸಚಿವೆರೆನ ಸದು ದಾದ?

Last updated on March 1st, 2024 at 12:05 pm

ವಿಧಾನಪರಿಷತ್ ಸದಸ್ಯೆರಾಯಿನ ಬಿ.ಎಂ ಫಾರೂಕ್ ಮೇರ್ ಚುಕ್ಕೆ ಗುರುತು ದಾಂತಿನ ಪ್ರಶ್ನೆ 1006 ಟ್ಟ್ ತುಳುನು ರಾಜ್ಯದ ಅಧಿಕೃತ ಭಾಷೆ ಮಲ್ಪುನ ಬಗೆಟ್ ತುಳುವೆರೆನ ಬೇಡಿಕೆ ಉಪ್ಪುನವು ಸರಕಾರೊಗು ತೆರಿದುಂಡಾ? ತೆರಿದಿತ್ತ್ಂಡ ಉಂದೆನ್ ಯಾಪ ಮಲ್ಪುವರ್ ಪನ್ದ್ ಪ್ರಶ್ನೆ ಕೇನ್ಡೆರ್.

ಉಂದೆಕ್ ಸದು ಕೊರಿನ ಸಚಿವೆ ಶಿವರಾಜ್ ತಂಗಡಗಿ ಮೇರ್, ತುಳುನು ರಡ್ಡನೇ ಅಧಿಕೃತ ಭಾಷೆ ಮಲ್ಪುನ ಬಗೆಟ್ ಮೋಹನ್ ಆಳೇವ ಮೆರೆನ ನೇತೃತ್ವೊಡು ಒಂಜಿ ವರದಿ ಮಲ್ದ್ಂಡ್. ಈ ವರದಿದ ಬಗೆಟ್ ಕಾನೂನು ಇಲಾಖೆದ ಅಭಿಪ್ರಾಯ ಕೇನ್ದ್ಂಡ್. ಉಂದೆಕ್ ಕಾನೂನು ಇಲಾಖೆ ಒವ್ವೇ ರಾಜ್ಯೊಡು ಒಂಜಿ ಭಾಷೆನ್ ಅಧಿಕೃತ ಮಲ್ಪುನ ದುಂಬು ಅವೆಕ್ ಕಾನೂನಾತ್ಮಕವಾದ್ ಸಮಿತಿಲೆನ್ ಮಲ್ತ್ ಅಕಲೆನ ವರದಿಲೆನ್ ದೆತೊನ್ದು ದುಂಬರಿಯೊಡು ಬೊಕ್ಕ ಬೇತೆ ಬೇತೆ ರಾಜ್ಯೊಲೆಡ್ ರಡ್ಡನೇ ಅಧಿಕೃತ ಭಾಷೆ ಎಂಚ ಮಲ್ದೆರ್ ಪನ್ಪಿನೆನ್ ತೆರಿದ್ ದುಂಬರಿಯೊಡು ಪನ್ಪಿನ ಅಭಿಪ್ರಾಯ ಕೊರ್ತುಂಡು. ಈ ಬಗೆಟ್ ಬೇತೆ ಬೇತೆ ರಾಜ್ಯೊಲೆಡ್ ಅಭಿಪ್ರಾಯ ಕೇನ್ದ್ಂಡ್. ಆ ರಾಜ್ಯೊಲೆರ್ದ್ ನನಲ ಉತ್ತರ ಬೈಜಿ ಪನ್ದ್ ಸಚಿವೆರ್ ತೆರಿಪಾದೆರ್.