Last updated on March 13th, 2024 at 06:49 pm
ಕುಡ್ಲ: ಪೇಂಟೆದ ಸರ್ಕಿಟ್ ಹೌಸ್ – ಬಿಜೈ ಸಾದಿ ಲೋಕಸಭಾ ಚುನಾವಣೆ ಕರಿನನೇ ಜಾರ್ಜ್ ಫೆರ್ನಾಂಡಿಸ್ ರೋಡ್ ಆವರೆಗುಂಡು. ಭಾರತೊದ ದುಂಬುದ ರಕ್ಷಣಾ ಸಚಿವೆ ಕರಿದ್ ಪೋತಿನ ಜಾರ್ಜ್ ಫೆರ್ನಾಂಡಿಸ್ ಮೆರೆನ ಪುದರ್ ದೀಯೆರೆ ರಾಜ್ಯ ಸರ್ಕಾರ ಅನುವು ಕೊರ್ದಿತ್ತ್‌ದ್,ಲೋಕಸಭಾ ಎಲೆಕ್ಷನ್ ಕರಿದ್ ಈ ಸಾದಿದ ಪುದರ್ ಅಧಿಕೃತ ಪುದರ್‌ಪಲವೆದೊಟ್ಟುಗು ಪಾಡುವ ಪಂದ್ ಕುಡ್ಲ ಮೇಯ‌ರ್ ಸುಧೀ‌ರ್ ಶೆಟ್ಟಿ ಕಣ್ಣೂರು ತೆರಿಪಾದೆರ್.
ಸುದ್ದಿಗೋಷ್ಠಿಡ್ ಪಾತೆರ್ನ ಮೇರ್, ಸಾದಿಗ್ ಪೊಸ ಪುದರ್ ದೀಪಿನ ಬಗೆಟ್ ಬೇಗೊಡೇ ಪ್ರತಿಕ್ರಿಯೆ ಕೊರ್ತಿನ ಸಿಎಂ ಸಿದ್ದರಾಮಯ್ಯೆರ್ ಅಂಚೆನೇ ಸಚಿವೆ ಭೈರತಿ ಸುರೇಶ್ ಮೊಕಲೆಗ್ ಸೊಲ್ಮೆ ಸಂದಾಯೆರ್.
ಕುಡ್ಲದ ಬಿಜೈದ ಮುಟ್ಟಡ್ ಪೂಟ್ಟುದು ಬಲತಿನ ಜಾರ್ಜ್ ಫೆರ್ನಾಂಡಿಸ್ ಒರ್ಮ್ಬ ಸರ್ತಿ ಲೋಕಸಭೆ ಚುನಾವಣೆಡ್ ಗೆಂದಿನ ಕಾರ್ಮಿಕ ನಾಯಕೆರಾದಿತ್ತೆರ್. ಕೊಂಕಣ್ ರೈಲ್ವೆ ಹರಿಕಾರೆರಾದಿತ್ತೆರ್. ಪದ್ಮವಿಭೂಷಣೊಲಾ ಆರೆಗ್ ತೀಕ್ಕ್‌ದ್ಂಡ್ ಪಂದ್ ಪಂಡೆರ್.
ಕುಡ್ಲ ಮನಪಾ ಸಾಮಾನ್ಯ ಇನಯೊಡು ಜಯಾನಂದ್ ಅಂಚನ್ ಅವಧಿಡ್ ಈ ಬಗೆಟ್ ಬಿನ್ನಪು ಸಂದಾದಿತ್ತರ್. ಕೊಂಕಣಿ ಬರವುಗಾರೆರೆ ಸಂಘೊದ ಸಂಚಾಲಕೆ ರಿಚಾರ್ಡ್ ಮೋರಾಸ್‌ಲಾ ಸಾದಿಗ್ ಪೊಸ ಪುದರ್ ದೀವೊಡು ಪಂದ್ ಬಿನ್ನೈತಿತ್ತೆರ್ ಪಂದ್ ಅಂಬಲ್ತೊಂಡೆರ್.