Last updated on March 13th, 2024 at 01:38 pm
ಒಡಿಪು: ಪರ್ಯಾಯ ಶ್ರೀ ಪುತ್ತಿಗೆ ಮಠಾಧೀಶೆರಾಯಿನ ಶ್ರೀ ಸುಗುಣೇಂದ್ರತೀರ್ಥ ಶ್ರೀಪಾದೆರ್ ತನ್ಕುಲೆ ನಾಲನೇ ಪರ್ಯಾಯೊಡು ಲೋಕ ಕಲ್ಯಾಣಾರ್ಥವಾದ್ ಸಂಕಲ್ಪ ಮಲ್ದಿನ ಕೋಟಿ ಗೀತಾ ಲೇಖನ ಯಜ್ಞೊದ ದೀಕ್ಷೆನ್ ದೇಶ ಪರದೇಶೊಲೆನ ಭಕ್ತೆರ್ ಗೆತೊಂದಿತ್ತ್‌ದ್, ಅವೆಟ್ ಪಾಕ ಜನ ಬಾರೀ ಉಮೇದ್‌ಡ್ ಪತ್ತ ಭಗವದ್ಗೀತೆನ್ ಬರೆದ್ ಮುಗಿತ್‌ದೆರ್.
ಪಾಕ ಜನ ಈ ಭಗವದ್ಗೀತೆನ್ ತುಳು ಬರವುಡು ಬರೆಪಿನ ದೀಕ್ಷೆನ್ ಗೆತೊಂದಿನವು ಬಾರಿ ಇಸೇಸ.
ನಂಬಿಂಚಿ ಜನಮಾನಿ ಶ್ರದ್ಧೆ ಭಕ್ತಿಡ್ ಬರೆತಿನ ಗೀತಾ ಲೇಖನ ಮಸ್ತಿರೆನ್ ಶ್ರೀಪಾದೆರು ಸ್ವೀಕರಿತ್‌ದ್ ಶ್ರೀಕೃಷ್ಣಗ್ ಸಮರ್ಪಣೆ ಮನ್ಪುನ ಕಜ್ಜೊನು ಸುರು ಮಲ್ದೆರ್. ಇತ್ತೆನೇ ಬರೆದ್ ಮುಗಿತ್‌ದಿನಕುಲು ಪರ್ಯಾಯೊದ ಪೊರ್ತುಡು ಒಡಿಪುಗು ಬತ್ತ್‌ದ್ ಶ್ರೀಪಾದೆರೆ ಮುಕೇನ ಶ್ರೀಕೃಷ್ಣಗ್ ಸಮರ್ಪಣೆ ಮಲ್ತ್‌ದ್ ಪುರ್ಸದ ಗೆತೊನೊಡು ಪಂದ್ ಶ್ರೀಮಠೊದ ಪ್ರಕಟಣೆ ತೆರಿಪಾದ್ಂಡ್.