ಕುಡ್ಲ: ಬೈಕಂಪಾಡಿ ಕೈಗಾರಿಕಾ ಪ್ರದೇಶೊಡು ಮಲ್ಲ ಅಗ್ನಿ ಅನಾಹುತ, ಪೊತ್ತುದು ಸುಡುಸೂಕರಿಯಾಯಿನ ಕಾರ್ಖಾನೆ..!

Last updated on March 28th, 2024 at 06:32 pm

ಕುಡ್ಲ: ಬೈಕಂಪಾಡಿ ಕೈಗಾರಿಕಾ ಪ್ರದೇಶೊಡು ಇನಿ(ಗುರುವಾರ) ಕಾಂಡೆ ಮಲ್ಲ ಅಗ್ನಿ ಅನಾಹುತ ನಡತ್‌ದ್ಂಡ್.

ಕೋರಿದ ಫುಡ್‌ಗ್ ಬೋಡಾಪಿನ ಮೀನ್‌ದ ಪ್ರೋಡಕ್ಟ್ ಮನ್ಪುನ ಶಿಹಾರ ಎಂಟರ್ಪ್ರೈಸ್‌ಡ್ ಈ ಅಗ್ನಿ ದುರಂತ ನಡತ್‌ದ್ಂಡ್. ರಾತ್ರೆ ಗೋಡಾನ್‌ಡ್ ತೋಜಿನ ಸೂ ಬೊಕ್ಕ ಕಾರ್ಖಾನೆ ಇಡೀಯ ಪಗರ್‌ದಿನ ಒಲವು ತಿಕ್ಕಿನ ಅಗ್ನಿ ಶಾಮಕ ದಳ ಜಾಗೆಗ್ ಬತ್ತ್‌ದ್ ಸೂ ತೆಕ್ಕಾದೆರ್. ನಡಕೆಡ್ ಒವ್ವೇ ಜೂವೊಗು ದಾಲ ಆತಿಜಿ. ಶಾರ್ಟ್ ಸರ್ಕ್ಯೂಟ್‌ರ್ದಾವರ ಸೂ ಪೊತ್ತುದುಂಡು ಪಂದ್ ಅಂದಾಜಿ ಮಲ್ದೆರ್. ಕೋಟಿಗಟ್ಲೆ ರೂಪಾಯಿದ ನಷ್ಟ ಆತ್ಂಡ್ ಪಂದ್ ದನಿ ಮೊಹಮ್ಮದ್ ತೆರಿಪಾದೆರ್.