Last updated on March 28th, 2024 at 07:58 am
ಇಟಾನಗರ: ಅರುಣಾಚಲ ಪ್ರದೇಶೊದ ಮುಖ್ಯಮಂತ್ರಿ ಪೆಮಾ ಖಂಡು ಸೇರ್ದ್ ಐವೆರ್ ಬಿಜೆಪಿ ಅಭ್ಯರ್ಥಿಲು ಅವಿರೋಧವಾದ್ ಅಜತ್ ಬೈದೆರ್.
ವಿಧಾನಸಭಾ ಚುನಾವಣೆದ ನಾಮಪತ್ರ ಸಂದಾಯೆರ ಡೆಡ್‌ಲೈನ್‌ ಕೋಡೆಗ್ ಮುಗಿದಿತ್ತ್‌ದ್ 5 ಕ್ಷೇತ್ರೊಲೆಗ್ ಬಿಜೆಪಿ ಅಭ್ಯರ್ಥಿಲು ಅತ್ತಂದೆ ಬೇತೆ ಏರ್ಲಾ ನಾಮಪತ್ರ ಕೊರಂದಿನೆರ್ದಾವರ ಅವಿರೋಧವಾದ್ ಅಜತ್ ಬೈದೆರ್.
ಚುನಾವಣಾ ಆಯೋಗ ನನಲಾ ಅಧಿಕೃತವಾದ್ ಐವೆರ್ ಗೆಂದ್‌ದೆರ್ ಪಂದ್ ಘೋಷಣೆ ಮಲ್ದಿಜಿ. ಪಾಕ ಕ್ಷೇತ್ರೊಲೆಡ್ ವಿರೋಧ ಪಕ್ಷೊಲು ಬಚ್ಚಿದ್‌ಪೋದಿತ್ತ್‌ದ್ ಈ ಸರ್ತಿ ಆಡಳಿತ ಸರ್ಕಾರ ಕ್ಲೀನ್‌ ಸ್ವೀಪ್‌ ಮನ್ಪುನ ಸಾಧ್ಯತೆ ಉಂಡು.
ಕೇಂದ್ರ ಸಚಿವೆ ಕಿರಣ್‌ ರಿಜಿಜು ಎಕ್ಸ್‌ಡ್ ಪೋಸ್ಟ್‌ ಮಲ್ತ್‌ದ್, ರಾಷ್ಟ್ರೊದ ಚಿತ್ತೊನು ತೋಜಾವುನೆಟ್ ಅರುಣಾಚಲ ಪ್ರದೇಶ ದುಂಬು ಉಂಡು. ವಿಧಾನಸಭೆ ಚುನಾವಣೆಗ್ ನಾಮಪತ್ರ ಸಂದಾವುನ ಅಕೇರಿದ ದಿನ ಸಿಎಂ ಮುತಾಲಿಕೆಡ್ ಬಿಜೆಪಿದ 5 ಅಭ್ಯರ್ಥಿಲು ಅವಿರೋಧವಾದ್ ಅಜತ್ ಬೈದೆರ್. ಪ್ರಧಾನಿ ಮೋದಿ ಮುತಾಲಿಕೆಡ್ ಸರ್ಕಾರೊರ್ದು ರಾಜ್ಯೊಡು ಪಾಕ ಬುಲೆಚ್ಚಿಲ್ ಆತ್ಂಡ್ ಪಂದ್ ಬರೆಯೊಂದೆರ್.