Last updated on March 5th, 2024 at 12:45 pm
ಇಂಚೊಗು ಸಾಮಾಜಿಕ ಬೊಕ್ಕ ಶೈಕ್ಷಣಿಕ ಸಮೀಕ್ಷೆದ ವರದಿನ್ ಸರಕಾರೊಗು ಕೊರಿನ ಪಿರಒರಿದಿನ ವರ್ಗೊಲೆನ ಆಯೋಗದ ಮಾಜಿ ಅಧ್ಯಕ್ಷೆ ಜಯಪ್ರಕಾಶ್ ಹೆಗ್ಡೆ ಮೇರ್ ಕಾಂಗ್ರೇಸ್ ಗೋಡ್ಯುನ ನಿಗಂಟ್ ಆತಿಲೆಕ್ಕ ಉಂಡು.
ಸೋಮಾರ ಮುಖ್ಯಮಂತ್ರಿ ಸಿದ್ದರಾಮಯ್ಯೆರ್, ಡಿಸಿಎಂ ಡಿ.ಕೆ ಶಿವಕುಮಾರ್ ಬೊಕ್ಕ ರಾಜ್ಯದ ಪ್ರಮುಖ ಕಾಂಗ್ರೇಸ್ ನಾಯಕೆರೆನ್ ಹೆಗ್ಡೆಗ್ ಭೇಂಟಿಯಾತೆರ್. ಆರ್ ಕಾಂಗ್ರೇಸ್ ಗೋಡ್ಯುನ ಪತ್ತ ನಿಗಂಟ್ ಆತ್ಂಡ್ ನನ ದಿನ ಪನರೆ ಮಾತ್ರ ಬಾಕಿ ಪನ್ದ್ ಮೂಲೊಲು ತೆರಿಪಾವೊಂದುಲ್ಲ.
ಕಾಂಗ್ರೇಸ್ ರ್ದ್ ಒಡಿಪು-ಚಿಕ್ಕಮಗಳೂರು ಕ್ಷೇತ್ರೊಗು ಓಟುಗು ಉಂತುನ ಸಾಧ್ಯತೆ ಉಂಡು. ಈ ಬಗೆಟ್ ಪಾತೆರಿನ ಜಯಪ್ರಕಾಶ್ ಹೆಗ್ಡೆ, ಒಂಜಿ ವಾರೊಡು ನಿರ್ದಾರ ತೆರಿಪಾವೆ ಪನ್ದ್ ಪನ್ತೆರ್. ಸುರುಕು ಓಟುಗು ಉಂತೊಡಾ ಬೊಡ್ಚಾ ಪನ್ದ್ ಎನ್ನುವೆ ಬೊಕ್ಕ ಪಕ್ಷ ಒವ್ ಪನ್ದ್ ನಿರ್ದಾರ ಮಲ್ಪುವೆ ಪನ್ದ್ ಪನ್ತೆರ್.