ಕುಡ್ಲ ವಿವಿ ಪೊಸ ಉಪ ಕುಲಪತಿಯಾದ್ ಪ್ರೊ.ಪಿ.ಎಲ್.ಧರ್ಮ ಅಧಿಕಾರ ಗೆತೊಂಡೆರ್

Last updated on March 6th, 2024 at 08:19 am

ಕುಡ್ಲ: ವಿಶ್ವವಿದ್ಯಾನಿಲಯೊದ ಪೊಸ ಉಪ ಕುಲಪತಿಯಾದ್ ಪ್ರೊ.ಪಿ.ಎಲ್ ಧರ್ಮ ಮೇರ್ ಅಂಗಾರೆ ಅಧಿಕಾರ ಗೆತೊಂದೆರ್.

ರಾಜ್ಯಪಾಲೆ ಥಾವರ್‌ಚಂದ್ ಗೆಹ್ಲೋಟ್ ಮೇರ್ ಮಂಗಳೂರ್ ವಿವಿಗ್ ಪೊಸ ಉಪ ಕುಲಪತಿಯಾದ್ ಪ್ರೊ.ಪಿ.ಎಲ್ ಧರ್ಮ ಮೆರೆನ್ ಕೋಡೆ ಗೊತ್ತು ಮಲ್ತ್‌ದ್ ಆದೇಶ ಕೊರ್ತಿನ ಬೆರಿಟೆ ಅಧಿಕಾರ ಗೆತೊಂದೆರ್.

ಕುಡ್ಲ ವಿವಿ ರಾಜ್ಯಶಾಸ್ತ್ರ ವಿಭಾಗೊದ ಮುಖ್ಯಸ್ಥೆರಾದುಪ್ಪುನ ಪ್ರೊ.ಪಿ.ಎಲ್. ಧರ್ಮ ಮೇರ್ ಕುಡ್ಲ ವಿವಿದ 10ನೇ ಉಪ ಕುಲಪತಿಯಾತೆರ್. ಕುಡ್ಲ ವಿವಿಡ್ ಪ್ರಾಧ್ಯಾಪಕೆರಾದ್ ಬೇಲೆ ಮಲ್ತ್‌ದ್ ಕುಲಪತಿಯಾತಿಪಕ್ಲೆನೆಟ್ ಪ್ರೊ.ಧರ್ಮ ರಡ್ಡನೇದಾರ್. ಉಂದೆಕ್ ದುಂಬು ಪ್ರೊ.ಪಿ. ಸುಬ್ರಹ್ಮಣ್ಯ ಯಡಪಡಿತ್ತಾಯೆರೆಗ್ ಕಡೀರ ಅವಕಾಶ ತಿಕ್ಕ್‌ದಿತ್ತ್ಂಡ್.

ಪ್ರಭಾರ ಉಪ ಕುಲಪತಿ ಪ್ರೊ.ಜಯರಾಜ ಅಮೀನ್ ಮೆರೆರ್ದ್ ಅಧಿಕಾರ ಗೆತೊಂದಿನ ಪಿ.ಎಲ್.ಧರ್ಮೆರ್ ಉಂದೆಕ್ ದುಂಬು ಕುಡ್ಲ ವಿವಿದ ಕುಲಸಚಿವೆ( ಮೌಲ್ಯಮಾಪನ)ರಾದ್, ಸಮೂಹ ಸಂವಹನ ಬೊಕ್ಕ ಪತ್ರಿಕೋದ್ಯಮ ವಿಭಾಗೊದ ಮುಖ್ಯಸ್ಥೆರಾದ್ ಬೇಲೆ ಮಲ್ದೆರ್.