Last updated on March 15th, 2024 at 02:01 pm
ಅರುಣ್ ಕುಮಾರ್ ಪುತ್ತಿಲ ಮೇರ್ ಬೆಂಗಳೂರುದ ಬಿಜೆಪಿ ಕಛೇರಿಗ್ ಪೋದಿತ್ತೆರ್. ಅಲ್ಪ ಪಾತೆರಕತೆ ಮಲ್ತ್ ರಾಜ್ಯಾಧ್ಯಕ್ಷೆ ವಿಜಯೇಂದ್ರೆರ್ನ ಇಲ್ಲಗ್ ಪೋದು ಪಾತೆರಕತೆ ಮಲ್ತೆರ್. ಬೊಕ್ಕ ಮಲ್ತಿನ ನಿರ್ಣಯದ ಲೆಕ್ಕೊಡು ಶುಕ್ರಾರ ಕುಡ್ಲದ ಬಿಜೆಪಿ ಕಛೇರಿಡ್ ಅಧಿಕೃತವಾದ್ ಪುತ್ತಿಲ ಮೇರ್ ಬಿಜೆಪಿಗ್ ಗೋಡ್ಯರೆ ಉಲ್ಲೆರ್.
ಪಕ್ಷ ಸೇರಿನೆರ್ದ್ ಬೊಕ್ಕ ಪುತ್ತಿಲೆರೆಗ್ ಗೌರವಯುತವಾಯಿನ ಸ್ಥಾನಮಾನ ಕೊರ್ಪ ಪನ್ದ್ ಬಿಜೆಪಿ ಪನ್ತ್ಂಡ್. ಉಂದೆಕ್ ಪುತ್ತಿಲೆರ್ ಒತ್ತೊಂದೆರ್ ಪನ್ದ್ ತೆರಿದ್ ಬೈದ್ಂಡ್. ಮೋದಿ ಪರಿವಾರದೊಟ್ಟುಗು ಪುತ್ತಿಲ ಪರಿವಾರ ನನ ಬೇಲೆ ಮಲ್ಪುಂಡು. ನಮ್ಮ ಪೆರ್ಮೆದ ಪ್ರಧಾನಿ ನರೇಂದ್ರ ಮೋದಿಯೆರೆನ ಬೇಲೆಗ್ ನಮ ಕೈ ಗೋಡ್ಯಾವೊಡು. ಕುಡ್ಲದ ಬಿಜೆಪಿ ಅಭ್ಯರ್ಥಿನ್ ಮಲ್ಲ ಮಟ್ಟ್ ಡ್ ಗೆಂದಾವಪೆ ನಮ ಪುನೆಪು ಬರ್ಪ ಪನ್ದ್ ಪುತ್ತಿಲೆರ್ ಪನ್ಡೆರ್. ಪುತ್ತಿಲೆರ್ ಬಿಜೆಪಿಗ್ ಬತ್ತಿನೆರ್ದ್ ಪುತ್ತೂರುಡು ಇತ್ತಿನ ಬಿಜೆಪಿ ಬಣೊಕುಲೆನ ನುರ್ಪುಗು ತಿರ ಆಯಿಲೆಕ್ಕ ಆಂಡ್.