ಕುಡ್ಲ ಬಿಜೆಪಿ ಅಭ್ಯರ್ಥಿ ಬ್ರಿಜೇಶ್ ಚೌಟ ಏರ್?

Last updated on March 14th, 2024 at 08:09 pm

ಬಿಜೆಪಿ ಈ ಸಲ ಕುಡ್ಲ ಕ್ಷೇತ್ರೊಗು ಅಭ್ಯರ್ಥಿನ್ ಪಗದ್ಂಡ್, ಅಂಚ ನಳೀನ್ ಕುಮಾರ್ ಕಟೀಲ್ ಮೆರೆನ ಪಗತೆಗ್ ಕ್ಯಾಪ್ಟನ್ ಬ್ರಿಜೇಶ್ ಚೌಟ ಮೆರೆಗ್ ಟಿಕೆಟ್ ತಿಕ್ಕುದ್ಂಡ್.

ಬ್ರಿಜೇಶ್ ಚೌಟ ಮೇರ್ 42 ವರ್ಸದ ಜವನೆ, ಬಿಎಸ್ಸಿ ಪದವೀದರೆ. ಮೇರ್ 2013ಟ್ಟ್ ಭಾರತೀಯ ಜನತಾ ಯುವ ಮೋರ್ಚಾದ ಸದಸ್ಯೆರಾದ್ ರಾಜಕೀಯೊಗು ಬತ್ತೆರ್. 2003 ರ್ದ್ 2010 ಮುಟ್ಟ ಚೌಟೆರ್ ಭಾರತೀಯ ಸೇನೆಡ್ ಇತ್ತೆರ್. ಗೋರ್ಖಾ ರೈಫಲ್ಸ್ ದ 7ನೇ ಬೆಟಾಲಿಯನ್ ಡ್ ಕ್ಯಾಪ್ಟನ್ ಆದ್ ಇತ್ತೆರ್. ಮೇರ್ ಸೇನೆಡ್ ಉಪ್ಪುನಗ ಮಣಿಪುರ ಬೊಕ್ಕ ಅಸ್ಸಾಂಡ್ ನಡತಿನ ಕಾರ್ಯಾಚರಣೆಡ್ ಪಾಲ್ ಪಡೆದ್ ಪುಗಾರ್ತೆ ಪಡೆದಿತ್ತೆರ್.

2011ಟ್ಟ್ ಸ್ವಯಂ ನಿವೃತ್ತಿ ದೆತೊನ್ದು ಕುಡ್ಲದ್ ಪಿರ ಬತ್ತಿನ ಚೌಟೆರ್ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಮ್ಯಾನೇಜ್ಮೆಂಟ್ ಇಂದೋರ್ ಡ್ ಎಕ್ಸಿಕ್ಯುಟಿವ್ ಬಿಸಿನೆಸ್ ಮ್ಯಾನೇಜ್ಮೆಂಟ್ ಕೋರ್ಸ್ ಮಲ್ತೆರ್.

2015ಟ್ಟ್ ನಡತಿನ ಕಂಬುಲ ಬ್ಯಾನ್ ದ ಪೊರುಂಬಾಟೊಡು ಎದುರು ಇತ್ತ್, ಜನಕುಲೆನ್ ಒಟ್ಟು ಮಲ್ದಿನಾರ್. ಕರಿನ ಆಜಿ ವರ್ಸೊರ್ದಿಂಚಿ ಮಂಗಳೂರು ಕಂಬುಲ ಪನ್ದ್ ಗರ್ದ್ ಗೌಜಿಡ್ ಕಂಬುಲ ಮಲ್ಪಾವೊಂದುಲ್ಲೆರ್.