ಸುಧಾ ಮೂರ್ತಿನ್ ರಾಜ್ಯಸಭೆಕ್ ನಾಮನಿರ್ದೇಶನ ಮಲ್ತಿನ ರಾಷ್ಟ್ರಪತಿಕುಲು

Last updated on March 8th, 2024 at 03:14 pm

ಇನ್ಫೋಸಿಸ್ ಫೌಂಡೇಶನ್ ಕಟ್ಟ್ ದ್ ಸಮಾಜಸೇವೆ ಮಲ್ತೊಂದಿತ್ತಿನ ಸುಧಾ ಮೂರ್ತಿ ಮೇರೆನ್ ರಾಷ್ಟ್ರಪತಿ ದ್ರೌಪದಿ ಮುರ್ಮು ಮೇರ್ ರಾಜ್ಯಸಭೆಕ್ ನಾಮನಿರ್ದೇಶನ ಮಲ್ದೆರ್. ಅಂತರಾಷ್ಟ್ರೀಯ ಪೊಣ್ಣುಲೆನ ದಿನತಾನಿ ಬತ್ತಿನ ಈ ಘೋಷಣೆಗ್ ಪ್ರಧಾನಿ ನರೇಂದ್ರ ಮೋದಿ ಎಡ್ಡೆಪ್ಪು ಪನ್ಡೆರ್.

ಭಾರತದ ರಾಷ್ಟ್ರಪತಿಕುಲು 12 ಜನನ್ ರಾಜ್ಯಸಭೆಕ್ ನಾಮನಿರ್ದೇಶನ ಮಲ್ಪುವೆರ್. ಉಂದೆಟ್ ಕಲೆ, ವಾಣಿಜ್ಯ, ವಿಜ್ಞಾನ, ಸಮಾಜಸೇವೆ ಮಲ್ದಿನಕುಲು ಉಪ್ಪುವೆರ್. ಸುಧಾ ಮೂರ್ತಿ ಮೆರೆಗ್ ಭಾರತದ ಉನ್ನತ ನಾಗರಿಕ ಪ್ರಶಸ್ತಿ ಆಯಿನ ಪದ್ಮಭೂಷಣಲಾ ತಿಕ್ಕುದ್ಂಡ್. ಮೇರ್ ಬರವುಗಾರ್ತಿಯಾದ್ ಬಾರೀ ಪುಗಾರ್ತೆ ಪಡೆದಿನಾರ್. ಇನ್ಫೋಸಿಸ್ ಮಲ್ದಿನ ನಾರಾಯಣ ಮೂರ್ತಿ ಮೆರೆನ ಕಂಡನೆ. ಈ ಬಗೆಟ್ ಪ್ರತಿಕ್ರಿಯೆ ಕೊರಿನ ಸುಧಾ ಮೂರ್ತಿ ಮೇರ್ ಉಂದು ಪೊಣ್ಣುಲೆನ ದಿನತಾನಿ ಎಂಕ್ ತಿಕ್ಕಿನ ಮಾಮಲ್ಲ ಉಡಿಗಿರ ಅಂಚೆನೆ ದೇಶ ಸೇವೆ ಮಲ್ಪರೆ ಒಂಜಿ ಪೊಸ ಜಬದಾರಿ ಪನ್ದ್ ಪನ್ಡೆರ್.