ಕರ್ನಾಟಕೊಗು ಒಂಜಿ ಪೈಸೆಲಾ ಬಾಕಿ ದೀತಿಜ – ನಿರ್ಮಲಾ ಸೀತರಾಮನ್

Last updated on March 25th, 2024 at 09:59 am

ಕೇಂದ್ರ ಸರಕಾರದ ವಿರುದ್ದ ಆರೋಪ ಮಲ್ತೊಂದಿಪ್ಪುನ ರಾಜ್ಯ ಸರಕಾರೊಗು ನಿರ್ಮಲಾ ಸೀತರಾಮನ್ ದಡೀಟ್ ಸದು ಕೊರ್ತೆರ್. ಜನಕುಲೆಡ ಗೊಂದಲ ಉದಿಪಾದ್ ಪ್ರಧಾನಿ ಮೋದಿ ಅನ್ಯಾಯ ಮಲ್ದೆರ್ ಪನ್ದ್ ಕಲು ತೆರಿಪಾವೊಡ್ಚಿ ಪನ್ದ್ ಪನ್ಡೆರ್.

ಯುಪಿಎ ಅಧಿಕಾರೊಡು ಉಪ್ಪುನಗ 12ನೇ ಪನವುದ ಆಯೋಗ ಕರ್ನಾಟಕೊಗು ಕಾಲಿ 30.5% ಶಿಫಾರಸ್ ಮಲ್ದಿತ್ತ್ಂಡ್. 13ನೇ ಪನವುದ ಆಯೋಗ 32% ಶಿಫಾರಸ್ ಮಲ್ದ್ಂಡ್. ಅಪಗ ಪೂರಾ ಉಪ್ಪಂದಿನ ಸಮಸ್ಯೆ ಇತ್ತೆ ಕರ್ನಾಟಕ ಸರಕಾರೊಗು ದಾಯೆಗ್ ಬತ್ತಿನ ಪನ್ದ್ ಕೇಂಡೆರ್.

14ನೇ ಪನವುದ ಆಯೋಗ ಶೇಕಡಾ 42 ಶಿಫಾರಸ್ ಮಲ್ಪುನಗ ಪ್ರಧಾನಿ ಅವೆನ್ ಒತ್ತೊನ್ದು ಕೊರ್ತೆರ್. ಕರ್ನಾಟಕೊಗು ಒವ್ವೇ ತೀರ್ವೆದ ಕಾಸ್ ಬಾಕಿ ದೀವೊಂದಿಜ, ಪ್ರತೀ ಪೈಸೆನ್ಲಾ ಕರೆಕ್ಟ್ ಪೊರ್ತುಡು ಕೊರ್ತ, ಕೆಲವೊರ ರಡ್ಡ್ ತಿಂಗೊಲು ದುಂಬೇ ಕೊರ್ತಿನಲಾ ಉಂಡು. ಪೊಕ್ಕಡೆ ಎಂಕ್ಲೆನ ಮಿತ್ತ್ ಆರೋಪ ಮಲ್ತೊಂದುಲ್ಲೆರ್. ಒವ್ ಒವ್ ದಿನ ಏತ್ ಏತ್ ಕೊರ್ತ ಪನ್ದೇ ಲಾ ಪನುವೆ ಪೊಕ್ಕಡೆ ಆರೋಪ ಮಲ್ಪಡೆ ಪನ್ದ್ ಪನ್ಡೆರ್.