Last updated on April 23rd, 2024 at 03:32 pm
ಲೋಕಸಭೆ ಓಟುದ ದುಮುನಾನಿ ಅಂಚೆನೆ ಓಟು ಆದ್ ರಡ್ಡ್ ಮೂಜಿ ದಿನ ಪ್ರೈವೇಟ್ ಬಸ್ ಲೆನ ರೇಟ್ ಕಂಡಾಪಟ್ಟೆ ಎಚ್ಚಿಗೆ ಮಲ್ತ್ ಊರುಗು ಓಟು ಪಾಡರೆ ಬರ್ಪಿನಕಲೆನ ಕಿಸೆಕ್ ಕತ್ತೆರಿ ಬೂರುಲೆಕ್ಕ ತೋಜೊಂದುಂಡು.
ಖಾಸಗಿ ಬಸ್ ಲೆಡ್ ಬೆಂಗಳೂರು, ಮೈಸೂರುರ್ದು ಕುಡ್ಲ, ಒಡಿಪು ಬರ್ಪಿನ ಟಿಕೆಟ್ ರೇಟ್ ಯಾಪೊಲ ಉಪ್ಪುನೆರ್ದ್ ಮೂಜಿ ನಾಲ್ ಪಟ್ಟ್ ಜಾಸ್ತಿ ಮಲ್ದೆರ್. ಯಾಪಲ 800 ಮುಟ್ಟ ಉಪ್ಪುನ ಬಸ್ ರೇಟ್ 2600 ಮುಟ್ಟಲಾ ಆತ್ಂಡ್.
ಬಿಜೆಪಿ ಬೊಕ್ಕ ಕಾಂಗ್ರೇಸ್ ದಕುಲು ರಡ್ಡ್ ಪಕ್ಷದಕುಲುಲಾ ಬೆಂಗಳೂರುರ್ದು ಊರುಗು ಓಟು ಪಾಡರೆ ಬರ್ಪಿನಕಲೆಗ್ ದರ್ಮೊಗು ಬಸ್ ಮಲ್ದೆರ್ ಅಂಚಾದ್ ಕೆಲವೆರೆಗ್ ಉಂದೆರ್ದ್ ಉಪಯೋಗ ಆಪುಂಡು. ಅಂಚೆನೆ ಸರಕಾರದ ಬಸ್ ಲೆಡ್ ರೇಟ್ ಎಚ್ಚ ಮಲ್ಪುಜ ಪನ್ದ್ ಸರಕಾರ ತೆರಿಪಾದ್ಂಡ್.
ಖಾಸಗಿ ಬಸ್ ಲೆನ ರೇಟ್ ಏರಾದಿನ ಬಗೆಟ್ ಚುನಾವಣಾ ಆಯೋಗ ಕರ್ನಾಟಕದ ಸಾರಿಗೆ ಇಲಾಖೆಗ್ ತೆರಿಪಾದ್ಂಡ್. ಸಾರಿಗೆ ಇಲಾಖೆ ಈ ಬಗೆಟ್ ತೂದ್ ಕೇರಮ ದೆತೊನವ ಪನ್ದ್ ಪನ್ತೆರ್ ಪನ್ದ್ ತೆರಿದ್ ಬೈದ್ಂಡ್.