Last updated on April 20th, 2024 at 10:30 am
ನಾಗಾಲ್ಯಾಂಡ್‌ದ ಪಡ್ಡಾಯಿ ಭಾಗದ ಆಜಿ ಜಿಲ್ಲೆಲೆಡ್ ರಾಜ್ಯ ಸರಕಾರ ಅಭಿವೃದ್ದಿದ ವಿಷಯೊಡು ತಾರತಮ್ಯ ಮಲ್ತೊಂದುಂಡು ಅಂಚಾದ್ ತನ್ಕುಲೆಗ್ ಪ್ರತ್ಯೇಕ ರಾಜ್ಯ ಬೋಡು ಪನ್ದ್ ಮತದಾನ ಬಹಿಷ್ಕಾರ ಮಲ್ದೆರ್.
ಈ ಬಗೆಟ್ ಪೂರ್ವ ನಾಗಾಲ್ಯಾಂಡ್ ಪೀಪಲ್ ಅಸೋಸಿಯೇಶನ್ ಬಂದ್ ಗ್ ಲೆಪ್ಪು ಕೊರ್ದಿತ್ತ್ಂಡ್. ಅಂಚಾದ್ ಆ ಆಜಿ ಜಿಲ್ಲೆಲೆಡ್ ತುರ್ತು ಸೇವೆ ಬುಡ್ದ್ ಬೊಕ್ಕ ಪೂರಾ ಬಂದ್ ಆದಿತ್ತ್ಂಡ್. ಈ ಜಾಗೊದ ಜನಪ್ರತಿನಿಧಿಲುಲಾ ಓಟು ಪಾಡಂಡೆ ಅಕಲೆಗ್ ಬೆರಿಬಲ ಕೊರ್ದಿತ್ತೆರ್. ಅಂಚಾದ್ ಈ ರಾಜ್ಯದ 20 ವಿಧಾನಸಭಾ ಕ್ಷೇತ್ರೊಲೆಡ್ ಮಾತಾ 738 ಮತಗಟ್ಟೆಲೆಡ್ ಶೂನ್ಯ ಮತದಾನ ಆತ್ಂಡ್.