Last updated on May 14th, 2024 at 12:51 pm
ಉಬಾರ್: ಅಪ್ರಾಪ್ತ ಜವನಗ್ ಬೇತೆ ಧರ್ಮೊದಾಯೆ ಒರಿ ಲೈಂಗಿಕ ಕಿರುಕುಳ ಕೊರ್ತಿನ ಪ್ರಕರಣೊಡು ಜೋಕುಲೆ ಸಹಾಯವಾಣಿದ ಮುಕೇನ ಕೊರ್ತಿನ ಒಯಿಲ್‌ದ ಪ್ರಕಾರ ಉಬಾರ್ ಪೊಲೀಸ್ ಸ್ಟೇಶನ್‌ಡ್ ಪೋಕ್ಸೋ ಪ್ರಕರಣ ದಾಕಲಾದ್, ಆರೋಪಿನ್ ಕೈದ್ ಮಲ್ದೆರ್.
ಬಂಟ್ವಾಳ ತಾಲೂಕು ಬಿಳಿಯೂರು ಗ್ರಾಮೊದ ದೋರ್ಮೆ ಪನ್ಪಿನಲ್ತ ಅಬ್ದುಲ್ಲಾ ಬಿಳಿಯೂರ್ (36 ವ.) ಕೈದಾತಿನ ಆರೋಪಿ.
ರಡ್ಡ್ ಜೋಕುಲೆನ ಅಮ್ಮೆ ಆದುಪ್ಪುನ ಉಂಬ್ಯೆ 13 ವರ್ಸ ಪ್ರಾಯೊದ ಜವನನ್ ಇಲ್ಲಡ್ ಬೇಲೆ ಉಂಡು ಪಂಡ್‌ದ್ ಅಂಚೆನೇ ಸ್ಕೂಟಿ ಬುಡ್ಯೆರೆ ಪಂಡ್‌ದ್ ಕೊರ್ಪೆ ಪಂದ್ ಲೆತೊಂದು ಪೋದು ಒಂತೆ ದಿನ ಲೈಂಗಿಕ ಕಿರುಕುಳ ಕೊರ್ತಿನೆನ್ ಜವನೆ ಶಾಲೆಡ್ ತೆರಿಪಾಯಿನೇ ಜೋಕುಲೆ ಸಹಾಯವಾಣಿಗ್ ಕಾಲ್ ಮಲ್ತ್ ತೆರಿಪಾದೆರ್.
ಅಕುಲೆನ ಪಾತೆರದಂಚ ತನ್ನ ಅಪ್ಪೆನೊಟ್ಟುಗು ಉಬಾರ್ ಸ್ಟೇಶನ್‌ಗ್ ಬತ್ತ್‌ದ್ ತನ್ನ ಮಿತ್ತ್ ನಡತಿನ ಲೈಂಗಿಕ ದೌರ್ಜನ್ಯೊದ ಬಗೆಟ್ ಜವನೆ ಒಯಿಲ್ ಕೊರ್ದಿತ್ತ್‌ದ್, ಪೋಕ್ಸೋ ಕಾಯ್ದೆದಡಿಟ್ ಪ್ರಕರಣ ದಿಕಲ್ತೊಂದಿನ ಪೊಲೀಸೆರ್ ಆರೋಪಿನ್ ಕೈದ್ ಮಲ್ತ್‌ದ್, ನ್ಯಾಯಂತಡೆಗ್ ಹಾಜಿರಿ ಮಲ್ದೆರ್. ನ್ಯಾಯಂತಡೆ ಯ ಆರೋಪಿಗ್ ನ್ಯಾಯಾಂಗ ಕೈದ್ ಕೊರ್ತುಂಡು.