Last updated on May 3rd, 2024 at 08:01 pm
ಶಿರ್ವೊದ ಮೂಲ್ಕಿ ಸುಂದರ್ ರಾಮ್ ಶೆಟ್ಟಿ ಕಾಲೇಜಿ ಮೂಲು 03-05-2024ದ ದಿನೊತಾನಿ ಕಾಮರ್ಸ್ ಅಸೋಸಿಯೇಷನ್ ವತಿರ್ದ್ ಓರಿಯೆಂಟೇಷನ್ ಟ್ರೆಂಡ್ ಇನ್ ಫೈನಾನ್ಸ್ ಕಜ್ಜನ್ ಕಾಲೇಜಿದ ಚಾವಡಿಡ್ ಆಯೋಜನೆ ಮಂತಿತ್ತಿಂಡ್. ಈ ಕಜ್ಜೊಗು ಮಲ್ಲ ಭಾಷಣಕಾರೆರಾದ್ ಸಿ.ಎ ವಿನೋದ್ ಚಂದ್ರನ್-ಚೀಫ್ ಎಕ್ಸಿಕ್ಯೂಟಿವ್ ಆಫೀಸರ್, ಮೈ ಲಾಜಿಕ್ ಬ್ಯುಸಿನೆಸ್ ಮ್ಯಾನೇಜ್ಮೆಂಟ್ ಸ್ಕೂಲ್ ಬೆಂಗಳೂರ್ ಮೊಕ್ಲ್ ಬತ್ತ್ ದ್, ಅಕ್ಕ್ಲೆ ನ ಪದವಿ ಸಂಸ್ಥೆದ ಗುರ್ತ ಬೊಕ್ಕ, ಕಾಲೇಜಿದ ಪದವಿ ಕಲ್ಪಾರ್ಥಿಲೆಗ್ ಪದವಿದ ಬೊಕ್ಕ ಉದ್ಯೋಗಾವಕಾಶ ದ ಬಗ್ಗೆ ತೆರಿಪಾದ್ ಕೊರಿಯೆರ್. ಬೊಕ್ಕೊಂಜಿ ಬಿನ್ನೆರಾದ್ ಬತ್ತಿನ ಶ್ರೀರಾಮ್ ಸುಬ್ರಮಣ್ಯಂ ಮೊಕ್ಲ್ ಕಾಲೇಜಿದ ಕಲ್ಪಾರ್ಥಿಲೆಗ್ ಬೇರಿತಾಂಗ್ ಕೊರ್ಪುನಂಚಿನ ರಡ್ ಪಾತೆರ ಪಂಡೆರ್ ಅಂಚನೆ ಪದವಿ ಕಲ್ತ್ ಆಯಿಬೋಕ್ಕ ಬೇಲೆ ತಿಕ್ಕಿಯರ ಈ ಕಜ್ಜಕೊಟ್ಯ ಎಂಚ ಸಾಯ ಆಪುಂಡು ಪಂದ್ ಪಂಡೆರ್.ಬೊಕ್ಕ ಕಜ್ಜೊದ ಗುರ್ಕಾರ್ಲು ಆಯಿನ ಕಾಲೇಜಿದ ಪ್ರಾಂಶುಪಾಲೆರ್ ಡಾ. ಮಿಥುನ್ ಚಕ್ರವರ್ತಿ ಮೇರ್ ಕಜ್ಜೊದ ಬಗ್ಗೆ ರಡ್ಡ್ ಪಾತೆರ ಪಂಡೆರ್. ಬೊಕ್ಕ ಬತ್ತಿ ಬಿನ್ನೆರೆಗ್ ಕಾಲೇಜಿದ ಪರವಾದ್ ಅಂಬಲಜ್ಯ ಕೋರ್ದು ಮಾನಾದಿಗೆ ಮಂತ್ಂಡ್. ಕಜ್ಜೊದ ಸಂಯೋಜಕೆರಾಯಿನ ಅಂಚನೇ ಕಾಲೇಜಿದ ವಾಣಿಜ್ಯ ವಿಭಾಗೊದ ಕಲ್ಪಾದಿ ಆಯಿನ ಡಾ. ಸೋನಾ ಹೆಚ್ .ಸಿ ಮೇರ್ ಮಾತೆರೆನ್ಲಾ ಕಜ್ಜೊಗ್ ಎದ್ಕೊನಿಯೆರ್. ಹರ್ಷಿತಾ ಮೇರ್ ಕಜ್ಜೊದ ನಿರೂಪಣೆ ನ್ ಮಲ್ತೆರ್. ತ್ರಿಷಾ ಮೇರ್ ಮಾತೆರೆಗ್ಲಾ ಸೊಲ್ಮೆ ಸಂದೈತ ಮಲ್ತೆರ್.