Last updated on May 28th, 2024 at 09:20 am
ಪೊಸನಗರ ತಾಲೂಕುದ ಮತ್ತಿಮನೆ, ನಗರ, ಸಂಪೇಕಟ್ಟೆ, ನಿಟ್ಟೂರುಡು ಮೊಬೈಲ್ ನೆಟ್ವರ್ಕ್ ಸಮಸ್ಯೆಡ್ ಪಿಸಿರಾತಿನ ಊರುದಕುಲು ಟವರ್ ಬರ್ತ್ ಪ್ರತಿಭಟನೆ ಮಲ್ತಿನ ನಡಕೆ ಸೋಮಾರ ನಡದ್ಂಡ್.
ಮತ್ತಿಮನೆ ಗ್ರಾಮ ಪಂಚಾಯತಿದ ಬೆತ್ತಡಿದುಪ್ಪುನ ಬಿಎಸ್ಎನ್ಎಲ್ ಟವರ್ ಕೈತಲ್ ಕೂಡಿನ ಜನಕುಲು ಸಾರ್ವಜನಿಕ ಸಮಸ್ಯೆಲೆಗ್ ಬೋಡಾಪಿನ ಪಿರಿಕಟ್ಟ್ ಮಲ್ಪಂದಿನ ಅಧಿಕಾರಿಲೆನ ವಿರುದ್ದ ಆಕ್ರೋಶ ಪಿದಯಿ ಪಾಡಿಯೆರ್.
ನಗರ ಹೋಬಳಿ ಕಾಂಗ್ರೆಸ್ ಅಧ್ಯಕ್ಷ, ಬ್ಲಾಕ್ ಕಾರ್ಯದರ್ಶಿ ಕುಮಾರ್ ಹಿಲ್ಕುಂಜಿ, ಅಡಗೋಡಿ ಸ್ವಾಮಿ, ತರುವೆ ಕೃಷ್ಣ ಬೊಕ್ಕ ಬಾಕಿದಕುಲು ಟವರ್ ಬರ್ತ್ ಅಲ್ಪನೇ ಕುಲ್ದು ಪ್ರತಿಭಟನೆ ಮಲ್ತೆರ್. ಉಂದೆಕ್ ಪಿರಿಕಟ್ಟ್ ಆನ ಮುಟ್ಟ ತಿರ್ತ್ ಜಪ್ಪಯ ಪನ್ದ್ ಚದಿ ಕಟ್ಟ್ ದ್ ಕುಲ್ದಿತ್ತೆರ್.
ಪ್ರತಿಭಟನೆ ಜೋರಾಯಿನ ತೂದು ಪಾರ್ ಬತ್ತಿನ ಬಿಎಸ್ಎನ್ಎಲ್ ಅಧಿಕಾರಿಲೆನ್ ಪತ್ತ್ ದ್ ಊರುದಕುಲು ಸಮ ಕೇಳ್ವಿ ಕೇಂಡೆರ್. ಒಂತೆ ಪೊರ್ತು ಅಲ್ಪ ಪಾತೆರೊಗು ಪಾತೆರ ಆದ್ ಲಡಯಿಲಾ ಆಂಡ್. ಕಡೆಕ್ ಅಧಿಕಾರಿಲು 6 ದಿನತ ಪೊರ್ತು ಕೊರ್ಲೆ ಸಮ ಮಲ್ಪುವ ಪನ್ದ್ ಪನ್ತೆರ್. ಒಂಜಾರ ಆಜಿ ದಿನತ ಉಲಯಿ ಸಮ ಆಯಿಜಿಡ ಕುಡ ಲಡಯಿ ಮಲ್ಪುವ ಪನ್ದ್ ಗ್ರಾಮದಕುಲು ಎಚ್ಚರ್ಗೆ ಕೊರ್ತೆರ್.