Last updated on June 12th, 2024 at 10:06 am
ಕುಡ್ಲ: ಕುಡ್ಲರ್ದ್ ಅಬುಧಾಬಿಗ್ ಪೋಪುನ ವಿಮಾನೊಲೆನ ಸಂಖ್ಯೆನ್ ಎಚ್ಚ್ ಮನ್ಪೆರ ಏರ್ ಇಂಡಿಯಾ ಎಕ್ಸ್ಪ್ರೆಸ್ ನಿರ್ಧಾರ ಮಲ್ತಿತ್ತ್‌ದ್, ವಾರೊಡು ನಾಲ್ ದಿನ ಸಂಚಾರ ಮಲ್ತೊಂದಿತ್ತಿನ ವಿಮಾನೊಲು ಜುಲೈ 22ರಿಂದ ಪ್ರತೀ ದಿನ ರಾವೆರೆಗುಲ್ಲ.
ಇಂಡಿಗೋ 4 ಬೊಕ್ಕ ಏರ್ ಇಂಡಿಯಾ ಎಕ್ಸ್ಪ್ರೆಸ್ 1 ವಿಮಾನ ಸೇರ್ದ್ ದಿನೊಲಾ 5 ವಿಮಾನೊಲು ಬೆಂಗ್ಳೂರು – ಕುಡ್ಲದ ನಡುಟು ರಾವೊಂದುಲ್ಲ. ಜುಲೈ 8ರ್ದ್ ಈ ಸಂಖ್ಯೆ 6ಕ್ ಏರುಂಡು.
ಏರ್ ಇಂಡಿಯಾ ಎಕ್ಸ್ಪ್ರೆಸ್ 2ನೇ ವಿಮಾನ ಬೆಂಗಳೂರ್‌ರ್ದ್ ಕುಡ್ಲಗ್ ಸುರು ಆವೊಂದುಂಡು. ಉಂದು ಜು.22ರ್ದ್ ಲಭ್ಯ ಆವೆರೆಗಿತ್ತ್‌ದ್, ಸೋಮಾರ, ಬುದಾರ ಬೊಕ್ಕ ಸುಕ್ರಾರ ಸಂಚರಿಪೆರಗುಂಡು, ಈ ವಿಮಾನ ಕುಡ್ಲಗ್ ಬತ್ತ್‌ದ್ ಅಬುಧಾಬಿಗೆ ಪೋಪುಂಡು.
ಬೆಂಗಳೂರ್‌ಗ್ ನನಲಾತ್ ವಿಮಾನ
ಆಗಸ್ಟ್‌ 1ರ್ದ್ ಬೆಂಗಳೂರು- ಕುಡ್ಲ ಸೆಕ್ಟರ್‌ಡ್ ವಾರೊಡು ಮೂಜಿ ದಿನ (ಸೋಮ, ಬುಧ ಬೊಕ್ಕ ಸುಕ್ರಾರ) ಏರ್ ಇಂಡಿಯಾ ಎಕ್ಸ್‌ಪ್ರೆಸ್‌ದ ಕುಡೊಂಜಿ ವಿಮಾನ ಸೇವೆ ಸುರು ಆವೆರೆಗುಂಡು. ಮುಂಬಯಿ-ಕುಡ್ಲ ಸೆಕ್ಟರ್‌ಡ್ಲಾ ಏರ್ ಇಂಡಿಯಾ ಎಕ್ಸ್ಪ್ರೆಸ್ ಮಧ್ಯಾನೊರ್ದು ಬೊಕ್ಕದ ವಿಮಾನೊನು ಜು. 16ರ್ದ್ ಸುರು ಮನ್ಪೆರೆ ಉಂಡು ಪಂಡ್‌ದ್ ವಿಮಾನ ಉಂತಡೆದ ಪ್ರಕಟಣೆ ತೆರಿಪಾದ್ಂಡ್.