Last updated on June 29th, 2024 at 11:44 am
ಬೊಲ್ತೇರ್: ಉಜಿರೆ ದ್ವಾರರ್ದ್ ಕಾಲೇಜ್ ರೋಡ್‌ಡ್ ಪುಲ್ಯಕಾಂಡೆ ಭೀಕರ ಎಡ್ತೆಡ್ ಬೊಲ್ತೇರ್ ಪ್ರಜ್ವಲ್ ಕಾಂಪ್ಲೆಕ್ಸ್ ದನಿನ ಮಗೆ ಪ್ರಜ್ವಲ್ ನಾಯಕ್ (35) ತೀರ್ದೆರ್.
ಇನಿ ಕಾಂಡೆ 4 ಗಂಟೆದ ಅಂದಾಜಿಗ್ ನಡಕೆ ನಡತಿತ್ತ್‌ದ್, ಕಾಲೇಜ್ ರೋಡ್‌ರ್ದ್ ಬೊಲ್ತೇರ್ ಪೋಪುನ ನಡುಟು ಡಿವೈಡರ್‌ದ ಸ್ಟ್ರೀಟ್ ಲೈಟ್‌ದ ಕುಕದೊಲೆಗ್ ಕಾರ್ ಎಡ್ತ್‌ದ್ಂಡ್. ಎಡ್ತಿನ ಪೆಟ್ಟ್‌ಗ್ ಕಾರ್‌ದ ಮುಸುಂಟು ಞಕ್ಕೆ ಆಂಡ, ಒಂಜಿ ಕರೆಂಟ್‌ದ ಕುಂದ ಅಡಿರ್ದೆ ಪೊರಿದ್ ಮಿತ್ತ್ ಬೈದ್ಂಡ್. ಎಡ್ತೆದ ಬರಸ್‌ಗ್ ಗಾಡಿ ಬುಡೊಂದಿತ್ತಿನ ಪ್ರಜ್ವಲ್‌ನ ತರೆಕ್ ಗಾತಿದ ಪೆಟ್ಟಾದಿತ್ತ್‌ದ್, ಆಯನ್ ಕುಡ್ಲದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ಂಡಲಾ ಮರ್ದ್ ಪಲಿಪಂದೆ ತೀರ್ದಿನ ಬಗೆಟ್ ವರದಿಯಾತ್ಂಡ್.
ಎಡ್ತೆಡ್ ತೀರ್ದಿನ ಪ್ರಜ್ವಲ್ ನಾಯಕ್ ಬೊಲ್ತೇರ್ ಸಂತೆಕಟ್ಟೆ ನಿವಾಸಿ, ಉದ್ಯಮಿ, ಸಂಘ ಸಂಸ್ಥೆಲೆಡ್ ಸಕ್ರಿಯೆರಾದಿತ್ತಿನ ಪ್ರಜ್ವಲ್ ಕಾಂಪ್ಲೆಕ್ಸ್‌ದ ದನಿ ಪ್ರಮೋದ್ ಆರ್. ನಾಯಕ್ ಮೆರೆನ ಮಗೆ.
ಉದ್ಯಮಿ ಪ್ರಜ್ವಲ್ ಉಜಿರೆದ ಡಿ.ಎಂ. ಗೌಡ ಕಾಂಪ್ಲೆಕ್ಸ್‌ಡ್ ಗೇಮಿಂಗ್ ಶಾಪ್ ನಡಪಾವೊಂದಿತ್ತೆರ್.
