Last updated on June 26th, 2024 at 09:08 am
ಉಳ್ಳಾಲ: ತಾಲೂಕ್‌ದ ಮುನ್ನೂರ್ ಗ್ರಾಮೊದ ಮದನಿ ನಗರ ಪನ್ಪಿನವುಲು ಬುದಾರ(ಇನಿ) ಕಾಂಡೆ ಇಲ್ಲದ ಪಿರವು ಇತ್ತಿನ ಕಂಪೌಂಡ್ ಜರಿದ್ ಇಲ್ಲದ ಮಿತ್ತ್ ಬೂರಿನೆರ್ದಾವರ ಒಂಜೇ ಇಲ್ಲ್ದ ನಾಲ್ವೆರ್ ತೀರ್ದಿನ ಬಗೆಟ್ ವರದಿಯಾತ್ಂಡ್.
ಇಲ್ಲಡ್ ಇತ್ತಿನ ಯಾಸಿರ್(45), ಆರೆನ ಬೊಡೆದಿ ಮರಿಯಮ್ಮ(40) ಜೋಕುಲು ರಿಯಾನ ಬೊಕ್ಕ ರಿಫಾನ ತೀರ್ದಿನಕುಲು.
ಜಾಗೆಗ್ ಅಧಿಕಾರಿಲು ಬತ್ತಿತ್ತ್‌ದ್, ರಕ್ಷಣ ಕಾರ್ಯಾಚರಣೆ ಸುರು ಮಲ್ದೆರ್. ಇತ್ತೆದ ಒಲವುದ ಪ್ರಕಾರ ಮೂವೆರೆ ಪುಣೊನು ಪಿದಯಿ ದೆತ್ತ್‌ದೆರ್.
ಉಳ್ಳಾಲ ಪೊಲೀಸ್ ಸ್ಟೇಶನ್ ಸೀಮೆಡ್ ಈ ನಡಕೆ ನಡತ್‌ದ್ಂಡ್. ಅಬೂಬಕ್ಕರ್ ಪನ್ಪಿನಾರೆಗ್ ಸೇರ್ದಿನ ಕಂಪೌಂಡ್ ಜರಿದ್ ಈ ದುರಂತ ನಡತ್‌ದ್ಂಡ್ ಪಂದ್ ತೆರಿದ್ ಬೈದ್ಂಡ್.
ಮುಟ್ಠದಕುಲು ಮೂಜಿ ಜನೊತ ಪುಣೊನು ಪಿದಯಿ ದೆತ್ತಿತ್ತ್‌ದ್ ಪೊಣ್ಣನ ಮೃತದೇಹೊಗು ಕಾರ್ಯಾಚರಣೆ ಮಲ್ತೊಂದುಲ್ಲೆರ್. ಎಚ್ಚಿನ ಒಲವು ನನ ತಿಕ್ಕೊಡಾತೆ.