Last updated on June 22nd, 2024 at 05:57 pm
ಕುಡ್ಲ: ಪೇಂಟೆದ ಪಿದಯಿಮೆಯಿಟುಪ್ಪುನ ಉಳಾಯಿಬೊಟ್ಟು ಪನ್ಪಿನವುಲು PWD ಕಾಂಟ್ರಾಕ್ಟರ್ ಒರ್ಯನ ಇಲ್ಲಗ್ ಪೊಗ್ಗಿನ ಕಲ್ವೆರೆ ಕೂಟ ಒಂಜಿ ಬೀಸತ್ತಿ ತೋಜಾದ್ ಇಲ್ಲದಕಲೆನ್ ಕಟ್ಟ್‌ದ್ ಪಾಡ್ದ್ ಇಲ್ಲಡಿತ್ತಿನ ಪಣವು-ಬಂಗಾರ್‌ನ್ ಮಾತಾ ಕಂಡ್‌ದಿನ ನಡಕೆ ಸುಕ್ರಾರ ರಾತ್ರೆ ನಡತ್‌ದ್ಂಡ್.
ಉಳಾಯಿಬೊಟ್ಟುಡುಪ್ಪುನ ಪಿಡಬ್ಲ್ಯುಡಿ ಕಂಟ್ರಾಕ್ಟರ್ ಪದ್ಮನಾಭ ಕೋಟ್ಯಾನ್ ಪನ್ಪಿನಾರೆನ ಫಾರ್ಮ್ ಹೌಸ್ ಇಲ್ಲಗ್ ಸುಮಾರ್ ಏಳೆರ್ದ್ ಎಣ್ಮ ಜನ ಕಲ್ವೆರ್ ಸುಕ್ರಾರ ರಾತ್ರೆ ಸುಮಾರು ಎಣ್ಮ ಗಂಟೆದ ಅಂದಾಜಿಗ್ ಇಲ್ಲದುಲಯಿ ಪೊಗ್ಗುದು ಮಾತೆರೆಗ್ಲಾ ಬೀಸತ್ತಿ ತೋಜಾದ್ ಪೋಡಿಕಟ್ಟಾದ್ ಕಟ್ಟ್‌ದ್ ಪಾಡ್ದ್ ಇಲ್ಲಡಿತ್ತಿನ ಪಣವು-ಬಂಗಾರ್ ಕಂಡ್‌ದ್ ಪದ್ರಾಡಾತೆರ್.
ಪದ್ಮನಾಭ ಕೋಟ್ಯಾನೆರ್ ಕೊರ್ತಿನ ಒಯಿಲ್‌ದ ಪ್ರಕಾರ ಕಲ್ವೆರ್ ಪ್ಯಾಂಟ್ ಶರ್ಟ್ ಪಾಡ್ದಿತ್ಯ್‌ದ್ ಮೋನೆಗ್ ಮಾಸ್ಕ್ ಪಾಡ್ದಿತ್ತೆರ್. ಇಲ್ಲಗ್ ಪೊಗ್ಗುದು, ಮಾತೆರೆನ್ ಕಟ್ಪ್‌ದ್ ಪಾಡ್ದ್ ಕಪಾಟ್‌ಲೆನ್ ಅಜತ್‌ದ್, ಪಣವು-ಬಂಗಾರ್‌ನ್ ಪತೊಂದು, ಒಟ್ಟುಗು ಪದ್ಮನಾಭೆರೆನ ಗಾಡಿನ್ಲಾ ಕಲ್ವೆರ್ ಪತೊಂದು ಪೋದಿತ್ತ್‌ದ್ ಇಲ್ಲಲ್ದ್ ಒಂತೆ ದೂರೊಡು ಬುಡ್ದು ಪೋತೆರ್ ಪಂದ್ ಪನ್ತೆರ್.
ಪ್ರಕರಣೊಗು ಸಂಬಂಧಿತ್‌ದ್, ಕಂಕನಾಡಿ ಗ್ರಾಮಾಂತರ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾದಿತ್ತ್‌ದ್ ಆರೋಪಿಲೆನ್ ಪತ್ಯೆರೆ ಪೊಲೀಸೆರ್ ಬಲೆ ಪಾಡ್ದೆರ್.