Last updated on June 20th, 2024 at 12:31 pm
ಬೊಲ್ತೇರ್: ತುಳುನಾಡ್‌ದ ದಲಿತ ಚಳವಳಿಡ್ ಮಾತೆರೆರ್ದ್ ದುಂಬಿತ್ತಿನ ನಾಯಕೆ ದಲಿತ ಸಂಘರ್ಷ ಸಮಿತಿ ಅಂಬೇಡ್ಕರ್ ವಾದೊದ ರಾಜ್ಯ ಸಂಘಟನಾ ಸಂಚಾಲಕೆ ಚಂದು ಎಲ್ (52) ಮೇರ್ ಅಸೌಖ್ಯರ್ದಾವರ ಕುಡ್ಲದ ಆಸ್ಪತ್ರೆಡ್ ಜೂ.19 ದಾನಿ ರಾತ್ರೆ ತೀರ್ದೆರ್.
ಕುಡ್ಲ ಜಿಲ್ಲೆಡ್ ದಲಿತ ಚಳವಳಿನ್ ಕಟ್ಟ್‌ದ್ ಬುಲೆಪಾವುನೆಟ್ ಮಲ್ಲ ಪಾತ್ರ ಇತ್ತಿನ ಚಂದು ಎಲ್. ಮೇರ್ ಬೊಲ್ತೇರ್ ತಾ.ಪಂ. ಒತ್ತು ಗುರ್ಕಾರೆ ಆದ್, ಗೇರು ಅಭಿವೃದ್ಧಿ ನಿಗಮೊದ ನಿರ್ದೇಶಕೆರಾದ್ ಬೇಲೆ ಮಲ್ದೆರ್.
ಕರಿನ ಕೆಲ ದಿನೊರ್ದಿಂಚಿ ಅನಾರೋಗ್ಯೊಗು ಮರ್ದ್ ಗೆತೊನೊಂದಿತ್ತಿನ ಮೇರ್ ಬುದಾರ ರಾತ್ರೆ ತೀರ್ದೆರ್.
ಬೊಲ್ತೇರ್ ತಾಲೂಕ್‌ದ ಡಿ.ಸಿ. ಮನ್ನಾ ಜಾಗೆಗಾದ್ ಪೊರ್ಮ್ಬಾಟ, ನಿಡ್ಲೆ ದೈವಸ್ಥಾನೊದ ಸಾರ್ವಜನಿಕ ವನಸ್‌ದ ಪಂಕ್ತೆರ್ದೊ ದಲಿತ ಪೊಣ್ಣನ್ ಬಲಾತ್ಕಾರವಾದ್ ಲಕ್ಕಾಯಿನ ನಡಕೆಲೆನ ಬಗೆಟ್ ನಡತಿನ ಪೊರ್ಮ್ಬಾಟೊಲೆನ ಮುತಾಲಿಕೆ ವಯಿತೊಂದಿತ್ತೆರ್. ಒಟ್ಟುಗು ಪಾಕ ದಲಿತ, ಸಾಮಾಜಿಕ ಪೊರ್ಮ್ಬಾಟೊಲೆನ್ ಎದುರು ಉಂತುದು ದುಂಬು ಕೊನೊತಿನಾರ್.