Last updated on July 27th, 2024 at 06:50 pm
ಮಣಿಪಾಲ: ವಾರೊಗು ದುಂಬಾತೆ ಕಂಬುಲ ಕ್ಷೇತ್ರೊದ ತನ್ನ ಪುದರ್ ಅಚ್ಚಿಮನ್ಪೆರ ಪಿದಡ್ದಿತ್ತಿನ ‘ಲಕ್ಕಿ’ನ ಸಾವುರ್ದ್ ಬೆಸರಾದಿತ್ತಿನ ಕಂಬುಲದ ಅಭಿಮಾನಿಲೆಗ್ ಕುಡೊಂಜಿ ಬೆಸರ್‌ದ ಸುದ್ದಿ. ಇಂಚಿಪ್ಪೊದ ದಿನೊಟು ತುಳುನಾಡ ಕಂಬುಲ ಕೂಟೊಲೆಡ್ ಪುದರ್ ಮಲ್ತಿತ್ತಿನ ಎರು ‘ನಾಗು’ ಸನಿಯಾರ ತೀರ್ದ್ಂಡ್.
ಜಪ್ಪು ಮಂಕು ತೋಟ ಅನಿಲ್ ಶೆಟ್ರೆನ ಎಜಮಾನಿಕೆಡ್ ಇತ್ತಿನ ನಾಗು ಸನಿಯಾರ ಹೃದಯಾಘಾತೊರ್ದು ತೀರ್ದೆ. ನಾಲ್ ವರ್ಸೊಗು ದುಂಬು ಸೀನಿಯರ್ ಪಲಯಿ ವಿಭಾಗೊಗು ಎಂಟ್ರಿ ಕೊರ್ದಿತ್ತಿನ ನಾಗು ಪಾಕ ಕಂಬೊಲೊಲೆಡ್ ಪಾಲ್ ಪಡೆದ್ ಮೆಡಲ್ ಆಕ್‌ದಿತ್ತೆ.
ಬೈಂದೂರ್‌ರ್ದ್ ಎಲ್ಲೂರು ಬಂಡಾರದಿಲ್ಲ್ ಸೇರ್ದಿತ್ತಿನ ನಾಗು, ಬೊಕ್ಕ ಒಡಿಪು ಚಿತ್ಪಾಡಿ ಅಪ್ಪು ಶೆಟ್ರೆನ ಕಿದೆ ಸೇರ್ದಿತ್ತೆ. ರಡ್ಡ್ ವರ್ಸೊಗು ದುಂಬು ನಾಗು ಎರುನು ಜಪ್ಪು ಮಂಕುತೋಟ ಅನಿಲ್ ಶೆಟ್ರ್ ಗೆತೊಂದಿತ್ತೆರ್.
ಕೂಟೊಲೆಡ್ ಸಕ್ರಿಯವಾದಿತ್ತಿನ ರಡ್ಡ್ ಎರ್ಲೆನ್ ರಡ್ಡ್ ವಾರೊದ ಅಂತರೊಡು ಕಂಬುಲ ಕ್ಷೇತ್ರ ಕಲೆಯೊಂದುಂಡು.
